約伯記 34章1節 到 34章15節   背景資料  上一筆  下一筆
Tī chit章中,以利戶強調一個中心信念:上帝是公義ê,而公義ê神,必定是賞罰分明。以利戶用chit種觀點來說明:約伯認為上帝無kā善惡分辨清楚ê看法是錯誤ê。因為án-ne,以利戶認為約伯siōng該學習ê,就是順服上帝。

Chit段經文一開始,就thang看出以利戶是teh對身邊á是周圍ê人講話,原因可能是約伯一直沉默不語。因為án-ne,以利戶決定轉向對身邊á是周圍ê人講話,kah-ná有意思beh hō͘其他ê旁觀者評理ê款。Chit段經文非常主要teh反駁約伯對家己無辜受苦ê抗議。Tī以利戶ê觀點中,上帝所做ê事絕對正確,bē有偏差。因為上帝有絕對ê主權,祂並無會tòe人ê意思轉變計劃。以利戶khah強調ê觀念是:上帝並無會因為約伯hoah冤枉,就hō͘約伯ê痛苦減輕,因為上帝bē出錯,祂mā bē故意懲罰約伯。

其實,以利戶chiah-ê講法,kah以利法、比勒達、瑣法等三人所講ê,並無差別。

第1到2節,以利戶ài in中間「有智慧」、「有知識」ê人lóng「側耳聽」伊講話。Chia所用ê「有智慧」、「有知識」之希伯來文仝款,意思是teh指社會賢達人士。Chia ê「請聽我講」一詞,tī第10節、第16節koh一pái出現,以利戶用chit種詞句teh表示:伊並m̄是無ê放矢,亂講話,伊所講ê話lóng是thang被公評ê。

    第3到4節,以利戶表示無論約伯講得jōa-ni̍h-á有理,大家lóng心知肚明,因為he就是親像嘴舌tam味食物,mā kah耳á辨別聽tio̍h ê話語仝款,ná親像「是非」、「善惡」等,每一個人lóng有家己判斷ê準則。伊ê目的就是beh約伯公開kah伊辯論,hō͘在場ê人來判斷。

第5到9節,因為約伯一再強調伊是「無辜」ê,卻hō͘ 上帝故意懲罰,á是上帝疏忽了伊ê冤情等類似chit種話(參考九:15、20—22、十三:18、廿三:7、10、廿七: 5—6),因為án-ne,以利戶提出chit-ê問題,是ài大家評評理,講看māi,約伯chit種講詞對mah?Chit-ê世間有甚麼人會用「講白賊」ê方式「承認家己有錯」,意思是teh指約伯一再講家己無錯,其實就是講白賊。伊直接指出約伯真正ê問題是「無尊敬上帝」,「歡喜kah邪惡人來往」,以及kah「pháiⁿ人結夥」。因為án-ne,tī約伯ê話中隱約thang聽tio̍h伊teh懷疑「順從上帝ê旨意對人有甚麼好處」chit種語氣,原因為是伊一再強調pháiⁿ人事事亨通。

    第10到12節,以利戶事(tāi)先提出chit種問題反駁約伯,伊問約伯上帝會「作惡」、「不公平」mah?伊強調公義ê上帝必定會「按照人ê行為施報應,按照人所應得ê待伊」。因為án-ne,chit種上帝「絕對m̄做惡事」,koh khah bē「顛顛倒是非」。

其實以利戶頂面所講ê講法,mā是以利法等三個朋友tī頭前一再重複強調過ê,以利戶所講ê內容並無甚麼新意。

    第13到15節,以利戶引用創世記第一到二章有關上帝創造ê記事來說明:上帝是創造者,mā是所有性命ê源頭,因為án-ne,kui個宇宙萬物中,只有上帝是一切ê中心。是上帝委派人管理祂所創造ê世界萬物(參考創世記一:28),因為án-ne,人一定tio̍h聽從上帝ê如果上帝決定beh收tńg來,人就無法度存活落去(參考詩篇一○四:29,傳道書十二:7)。因為上帝向人吹入「性命ê氣」,人才有性命(參考創世記二:7)。無性命ê人lóng必定會「歸回土粉」(參考創世記三:19)。

重新查詢 專卷研經 約伯記系列
錯誤回報,請聯繫