耶利米書 51章36節 到 51章53節   背景資料  上一筆  下一筆
Chit段經文講出上帝ài怎樣懲罰巴比倫,以及被毀滅ê情景,而且是用過去巴比倫繁榮、強盛ê景象kah chit-má會hō͘擊垮、摧毀做對比。

另外在chit段經文中mā講出上帝對以色列人民ê應允實現了,就是beh hō͘被掠到巴比倫做奴隸ê以色列人民tńg去故鄉耶路撒冷。因為án-ne,tī上帝毀滅巴比倫帝國ê時chūn,上帝beh以色列人民趕緊把握機會逃離巴比倫chit塊奴役in ê所在。

第36到37節,chia講上帝beh替耶路撒冷ê人民「伸冤」、「報仇」,意思是teh指上帝beh懲罰巴比倫,因為它無按照上帝ê旨意執行該做ê事,chia講上帝懲罰ê方式,是hō͘巴比倫ê「水源枯竭,河流乾涸」,hō͘巴比倫會因為欠缺糧食,軍隊無法度作戰,而且城市無法度koh再提供給人民khiā起而成為「廢墟」,只chhun四界流蕩ê「野狗」kā chia當做「巢穴」。

第38到40節,這是teh指巴比倫帝國tī siōng興旺ê時代,ná親像凶猛ê「獅成群吼叫」,mā「像幼獅結隊咆哮」,hō͘人聽tio̍h in ê叫聲,就會心驚膽跳。Koh講,chia mā提起巴比倫像貪婪ê野獸。因為án-ne,上帝就hō͘它「酒醉、興奮、昏睡」,就tī chit時,波斯帝國kah附近國家聯合進攻,巴比倫帝國ê軍隊kah人民會親像被驅趕ê「小羊、公綿羊、公山羊進屠宰場」仝款,任人宰割、「屠殺」,巴比倫帝國就án-ne完全滅亡了。

第41到44節,chit段經文lóng是teh指過去ê巴比倫帝國,從來無人會想tio̍h伊mā有被佔領而滅亡ê時chūn,因為án-ne當聽tio̍h巴比倫滅亡ê消息ê時,確實引起「列國驚駭」無停。

Chia用「海水上漲,怒濤淹蓋」來形容kui個巴比倫滅亡ê慘狀,ná親像創世記第七到八章所講ê大水淹滅大地仝款。作者用chit種方式來形容波斯帝國ê興起,其強大ê國勢有kah頂面仝款漲ê海水般,淹滅了附近國家,mā淹到à巴比倫帝國。M̄-nā是淹滅了巴比倫帝國,連in所崇拜、所供奉ê庇護神「神明彼勒」mā 以後be7 koh有人「拜伊」,因為神像mā同時被摧毀了。

Chia所講ê「彼勒」,就是第五十章2節所提起ê「馬杜克」神明,mā是巴比倫人所供奉ê主要神明。巴比倫人拜彼勒神明ê時,mā會kā tī戰爭中tùi對敵ná方搶奪tio̍h來ê珠寶獻hō͘ in所供奉ê神明。

第45節,thang參考第五十一章6節。

第46節,這是teh鼓勵受掠tī巴比倫做奴隸ê以色列人民,in必定會聽tio̍h真chē謠言,m̄-koh,m̄免因為án-ne而「懍neh、驚惶」,tī一個動盪不安ê時代,各種「謠言」lóng有。

第47到49節,這是上帝懲罰巴比倫,會連帶ê kā巴比倫人所拜ê偶像一盡毀滅,「kui個國家會飽受恥辱」,因為滅亡ê「時chūn會到」,無任何國家thang來幫伊。這來摧毀巴比倫ê就是tùi「北方」來ê波斯,而且當波斯來攻擊巴比倫帝國ê時,hit時chūn,過去被巴比倫侵犯ê國家,chit-má看tio̍h巴比倫帝國傾覆滅亡ê時,lóng會發生「歡呼」ê聲音。因為上帝ê懲罰會hō͘它完全「傾覆」,無法度koh再起。

第50到52節,提醒以色列人民tio̍h「想念」上主,並且tio̍h「懷念耶路撒冷」,tio̍h以色列人民m̄-thang koh一pái重犯過去ê錯誤,in會亡國就是因為in bē記得上帝ê緣故。chit-má ài in趕緊離開巴比倫,「m̄-thang chiah koh等了」。因為in tī巴比倫做奴隸有至少長到「五十年」ê時間了(主前586年到538年),有ê koh khah長到「七十年」(參考廿五:11—12)。

Taⁿ thang脫離做奴隸可能帶來ê「死亡」,回鄉tńg去。Chit段經文mā特別提起上帝beh嚴厲懲罰巴比倫ê原因,是in侮辱了「聖殿」ê神聖外,mā一再譏諷以色列人民,講in所敬奉ê上帝是無能力ê神。

第53節,「即使巴比倫ē-tàng peh上天,建造堡壘」,chit句話thang參考以賽亞書第十四章13到14節。表示巴比倫帝國tī伊siōng興旺ê時chūn mā siōng驕傲,甚至想beh kah上帝對抗、取代上帝。這mā是引起上帝受氣而決定摧毀伊ê原因。Chia mā teh表示巴比倫帝國無論怎樣逃避,lóng無法度閃過上帝ê懲罰,即使伊ē-tàng peh上天,mā是仝款。因為上帝是無所不在ê創造宇宙萬物之神。

重新查詢 專卷研經 耶利米書系列
錯誤回報,請聯繫