耶利米書 50章21節 到 50章46節   背景資料  上一筆  下一筆
Chit段經文ê主題中心teh說明巴比倫帝國為甚麼會tùi上帝ê奴僕(大鐵鎚),變成被上帝懲罰ê對象?理由就是「對敵上帝」(第24節)、「狂傲地對敵上帝」(第29節)、「狂傲」(第31、32節)。雖然是一再講巴比倫帝國「狂傲」,其實就是講巴比倫想beh扮演上帝ê角色,認為家己就是上帝,bē記得強盛是tùi上帝來ê揀選,tio̍h用伊來懲罰背逆上帝ê以色列人民,以及kah以色列人民四周hiah-ê附近ê族群。M̄-koh巴比倫並m̄是上帝,只不過是上帝ê奴僕。

第21節,「米拉大翁」,意思是teh指「加倍叛逆」,這可能kah巴比倫語ê「maratu」字有關係,因為這字是teh指巴比倫南部ê地區。

「比割」,這是巴比倫字「Puqudu」,意思是「審判tùi上帝來」,是teh指東部ê巴比倫。

Kā頂面所講這兩地合起來,意思是teh指全部ê巴比倫lóng kā受tio̍h上帝嚴厲ê懲罰,而且懲罰非常嚴重,遠比一般ê懲罰koh khah嚴重,因為是「加倍」ê懲罰。

第22到27節,chit段經文描述上帝下令攻擊巴比倫ê軍隊怎樣懲罰巴比倫。Mā就是過去ê巴比倫「bat像一把大鐵鎚,征服了全世界」,m̄-koh「chit-má」這kā鐵鎚「被搗碎了」。因為上帝ná親像thí開羅網,已經準備好勢beh掠tiâu伊。然後將軍械庫ê武器lóng全部出籠攻擊巴比倫,hō͘它lóng無防禦ê機會,結果穀倉phah開,巴比倫人只有ê就是完全投降,繳出in所有ê財物,所有抵抗ê士兵lóng被「刣死」,而且差不多就是「全數殲滅」。

第28節,chit節是編輯ê加筆。

「巴比倫逃出來ê難民tńg來到耶路撒冷」,這kah歷史事實有點á不相符。因為波斯帝國皇帝塞魯士是公開下詔令,ài全國人民協助以色列人民回鄉(參考歷代志下三十六:22—23)。因為án-ne,無所謂「逃出來ê難民」chit種問題。不過thang理解:當巴比倫帝國遇tio̍h波斯帝國攻擊ê時,tú好是hō͘擄ê以色列人民得tio̍h脫離奴隸ê機會,可能有人利用機會逃出集中營(參考以西結書一:1)。M̄-koh編者特別強調上帝懲罰巴比倫帝國ê原因,是kah巴比倫人「燒毀聖殿」ê事有關,上帝是為tio̍h án-ne事採取報復行動。

第29到30節,chit兩節thang參考第14到16節、第四十九章26節。

古代社會弓箭手ē-sái講是戰爭場上siōng重要ê攻擊kah防衛手。上帝下命令,ài所有弓箭攻擊手,「不准有一個人逃脫」,這表示對巴比倫帝國ê懲罰是非常徹底,beh完全殲滅ê意思。


「伊怎樣待別人,就照樣待伊」,chit句重複第15節b句。Mā thang參考第廿五章14節。

「伊狂傲地對敵上帝」,chit句說明上帝beh嚴厲懲罰巴比倫ê原因。Á tī上帝懲罰之下,巴比倫差不多是徹底被消滅了(第30節)。

第31到32節,chit兩節lóng teh強調巴比倫是一個狂傲ê國家,tī伊ê眼中根本to̍h無上帝。

Chit種國家、民族tī tú-tio̍h上帝受氣、懲罰ê時,mā bē有人敢出來幫忙、扶持,因為he是上帝ê懲罰,甚麼人幫助上帝懲罰ê對象,就是對敵上帝仝款,kan-taⁿ會引起上帝ê忿怒而已。

第33到34節,chit兩節形容上帝看tio̍h以色列人民tī巴比倫被「壓迫」,逼kah in過奴隸ê生活。M̄-koh上帝卻施展了祂「大有能力」ê手,tio̍h用懲罰巴比倫人ê方式「親自替in伸冤」。

第35到38節,這是一首名為「劍之頌」ê詩歌,原本tī以西結書第廿一章1到17節是用「上帝ê劍」來描述上帝怎樣懲罰ná棄sak祂ê以色列人民。Tī chia是用來形容上帝懲罰巴比倫帝國。

Chit段詩歌主要內容teh頌讚上帝beh替以色列人民報復,攻擊巴比倫帝國。攻擊ê方式除了是軍事力量由附近各國聯合ê軍隊出兵摧毀巴比倫ê軍隊外,koh khah重要ê是第38節所提起ê,上帝kā以「旱災」攻擊chit-ê bat被揀選做奴僕ê帝國,hō͘伊因為旱災來臨,河流乾涸而無法度種作,chit時chūn就會凸顯出拜偶像神明ê人民是jōa-ni̍h-á愚戇,因為chiah-ê偶像神明並bē-tàng解決乾旱ê問題,in m̄是真神,無法度命令天降大雨tī土腳。乾旱,hō͘土地龜裂無法度種作,饑荒kā tòe之而來。

Chit段詩歌真清楚講出若上帝決定beh徹底消滅,無論人累積jōa-chē財富,結果lóng kā成空。巴比倫皇帝尼布甲尼撒ê部隊bat tùi耶路撒冷聖殿kah宮殿搜刮所有ê貴重物件,結果全部lóng被波斯帝國皇帝下令歸還。

第39節,chit節thang參考以賽亞書第十三章20到22節。

Chit節講出巴比倫tī慘敗了後,會出現ê景象,就是「鬼神、污靈」,kah「梟鳥」lóng會出現,hō͘巴比倫人感覺不安、驚惶。上帝過去怎樣消滅所多瑪kah蛾摩拉這兩座犯罪ê城,mā tio̍h用仝款ê方式來毀滅巴比倫。

第41到43節,重複第六章22到24節。

Tī該所在ê經文是描述耶路撒冷kā受tio̍h來自北方強猛ê民族巴比倫摧殘,chit-má則角色對換,換做巴比倫帝國kā受tio̍h這新興ê波斯帝國用仝款ê方法hō͘ in摧毀殆盡。Chia mā koh一pái用「kah-ná產婦陣痛」ê句話描述痛苦ê感受。Tī先知耶利米ê譬喻中一再出現,thang參考第四章31節、第六章24節、第四十九章24節等等所在。

第44到46節,chit段經文kah第四十九章19到21節仝款。該所在ê經文是用來描述以東,chit-má則形容巴比倫帝國就是上帝所beh徹底毀滅ê對象,原因是伊膽敢成做上帝ê對敵者(參考第24節)。

啟示錄ê作者mā因為chit段經文,指出巴比倫就是末日審判被上帝懲罰ê主要對象(參考啟示錄十四:8、十六:19)。

Tùi chit段經文看tio̍h一個基本信息中心:甚麼人自認有力量抵擋上帝,成做上帝ê仇敵,甚麼人就是自取滅亡。

重新查詢 專卷研經 耶利米書系列
錯誤回報,請聯繫