Chit章提起有關亞捫、以東、大馬士革、基達族、夏瑣城，kah以攔等國家ê災難。其中亞捫、以東等chit兩個民族kah以色列民族有血緣關係，m̄-koh彼此之間並無因為祖先有血緣關係而hō͘關係比較khah親近，顛倒ê，差不多是世世代代成做仇敵ê狀態。

Chit段經文是關係上帝beh審判亞捫ê記事。Tī以西結書第廿五章1到7節；阿摩司書第一章13到15節；西番雅書第二章8到11節等等所在ê經文mā lóng有論到上帝懲罰亞捫人ê事。

第1節，「亞捫」，這是羅得kah次女亂倫了後生落來ê kiáⁿ孫（參考創世記十九：38），kah以色列民族有血緣關係ê遠親。Chit-ê民族khiā起tī約旦河東部，摩押ê北部，mā就是今á日約旦王國首都安曼地區。

Chit節用反問ê方式提出chit種問題：詢問為甚麼原本分配給迦得支派khiā起ê土地（參考約書亞記十三：25），taⁿ竟然「無人保衛」而被亞捫人所佔領。Koh講，chit節mā指出亞捫人ê神祉是「米勒公」，koh kā它稱做「摩洛」（參考列王記上十一：5、7）。亞捫人tī重要節日ê祭典ê時，會用火祭kā兒童燒死tī祭壇上獻hō͘米勒公神明，而以色列人民mā bat跟tòe學習chit種tī上帝看起來是非常惡質ê信仰行為，可見亞捫人對以色列人民ê信仰影響非常大（參考列王記下十六：3、十七：17、廿一：6）。

第2節，「時chūn會到」，上帝beh hō͘亞捫首都「拉巴」ê居民聽見「戰亂喊hoah ê聲音」，而且ài kā 拉巴城燒成「廢墟」，chit時，以色列人民就ē-tàng重新kā hit-ê城「收tńg來家己ê」手中。

第3節，「希實本」，這是屬tī摩押ê城市（參考四十八：2），是一個盛產葡萄ê城市。Chia kā希實本寫做是亞捫ê城市，是因為亞捫kah摩押是親兄弟，而且這兩國人民不時聯合做伙，特別是tī主前第六世紀末葉。

「艾城毀滅了」，這艾城到底tī tó位，已經bē-tàng考。

「拉巴」ê婦女會因為為戰敗而舉哀，以「穿麻衣」ê方式來「舉哀」，這表示in因為chit pái被巴比倫帝國軍隊入侵，差不多人別人中lóng有至親死亡。Chia mā提起被掠到巴比倫ê，除了守護神「米勒公」外，連「祭司、首領kā同齊受掠」，這表示亞捫淪亡了。Chit種句話mā teh表示in為祭祀這米勒公獻上ê貴重物件同時被搜刮伊去。

第4到5節，「背叛ê國民」，真可能是teh指亞捫bat參與謀害巴比倫王尼布甲尼撒所任命總督基大利ê謀刣事件有關，而謀刣者ê背後有亞捫王巴利斯支持kah策劃（參考耶利米書四十：14）。因為án-ne，chia指出巴比倫王絕對對亞捫採取報復作懲罰。

第6節，kah摩押人仝款，「有一工」上帝會hō͘亞捫人也ē-tàng得tio̍h「重整家園」ê機會。不過歷史卻是kah chia所講ê預言無仝，巴比倫王尼布甲尼撒在位第廿三年（主前582年），出兵毀滅了亞捫。