Chit段經文是有關懲罰大馬士革ê記事，mā記載tī以賽亞書第十七章1到3節；阿摩司書第一章3到5節等等。

大馬士革是敘利亞ê首都，mā是當時中東ê交通要塞，mā是敘利亞ê商業大城之一。

Chit段經文比較khah困擾ê是：無說明為甚麼上帝beh懲罰大馬士革，聖經tī chit方面提供ê資料mā缺乏。照猶太史學家約瑟夫（Flavius Joseh pus）ê看法，巴比倫帝國ê軍隊是tī主前605年tùi埃及進入敘利亞。

第23到24節，「哈馬kah亞珥拔」，chit兩個城市lóng是設tī大馬士革ê北部，是大馬士革北部ê邊防重鎮。主前第738年，就已經被亞述帝國攻陷（參考以賽亞書十：9、三十六：19、三十七：13）。當這兩座城陷落tī亞述帝國手中了後，大馬士革續落來tī主前731年淪陷（參考列王記下十六：9）。因為án-ne，當chit兩個城鎮ê人民感覺「操心不安」ê時chūn，mā tú好說明攻擊ê勢力是來自北方ê巴比倫帝國軍隊。因為這兩座防衛城市陷落，進一步koh hō͘大馬士革城內ê居民因為án-ne就「失去勇氣，轉身逃走」。先知耶利米mā是用「產婦陣痛，操心痛苦到極點」來形容大馬士革人民痛苦ê款。Chit種以產婦臨盆ê痛苦來形容性命ê苦難，mā是先知文獻ê特色之一（參考以賽亞書十三：8、廿六：17，耶利米書四：31、六：24、四十九：22）。

第25到27節，chit三節說明上帝已經決意beh嚴懲大馬士革，mā會因為án-ne hō͘過去非常繁榮ê chit-ê城市，轉眼間就變成「荒涼」無人khiā起ê所在。M̄-nā án-ne，當巴比倫軍隊攻入大馬士革後，用伊慣有ê殘酷手段，m̄-nā用「火燒大馬士革ê城牆」，mā會摧毀敘利亞王ê「堡壘」，而且koh khah慘ê是刣盡了所有ê「少年人」kah「戰士」。就算少年人四界bih起來，無論是tī「大街」上，á是tī「小巷」中，lóng無法度佳哉免得。