耶利米書 31章23節 到 31章40節   背景資料  上一筆  下一筆
Chit段經文講述上帝救援ê手,mā kā帶領南國猶大ê以色列人民重tńg來故土,而且hō͘過去已經荒廢ê城鎮,全部恢復繁榮ê景象。上帝beh kah重回故鄉ê以色列人民重新立約,而且這新ê約kā會kah舊ê約無仝。因為新ê約是刻畫tī人ê心版上,hiah-ê人kā永遠bē bē記得。

第23節,對以色列人民來講,耶路撒冷就是上帝ê聖城,是上帝所khiā起ê所在。有上帝ê所在,就會有公義ê上帝kah in tòa做伙。

第24到26節,chit三節講tio̍h上帝會賜hō͘以色列人民有極大ê恩典,m̄-nā原本荒廢ê城鎮,lóng kā變成「人煙稠密」ê所在,而且會建構出安定ê生活環境,因為án-ne,「農人」thang安心種作,「牧者」thang安心放牧「in ê羊群」。Hiah-ê人以後be7 koh「iau餓」,大家lóng ē-tàng食得飽,而且ē-tàng安然入睡到天光,這是性命siōng大ê享受。

第27到28節,chit兩節表示上帝會hō͘ chiah-ê tńg去故鄉ê以色列人民,重新展現新機,荒廢ê城市lóng會繁榮起來。因為上帝已經kā過去腐敗、頹廢ê現象lóng hō͘根除了。Chit種根除動作mā是原本上帝呼召先知耶利米出來傳達信息ê時所hō͘ in ê使命(參考耶利米書一:10)。

第29到30節,「老父食了酸葡萄,kiáⁿ ê嘴齒酸pháiⁿ了」,這是當時流行ê一句俚語。先知以西結mā講了chit句話(參考以西結書十八:2)。這kah出埃及記第二十章5節所講,上帝beh追究人ê罪,tùi父到子,到三、四代ê講法有真大ê出入。真可能是因為tī先知耶利米、以西結ê時代,有真chē人存有chit種想法,認為in chit-má會án-ne有災難,會受痛苦,並m̄是因為in家己ê罪ê緣故,卻是來自祖先ê罪過。M̄-koh chit-má先知耶利米、以西結對chit種看法真無掠做當然,in認為每一個人lóng tio̍h為家己所犯ê罪負責,無法度推卸責任。

第31到33節,當上帝帶領受掠ê以色列人民重回故鄉而且已經根除過去所有ê舊習了後,就beh kah in重新立約,而這新ê約kah舊ê約siōng大ê無仝,就是新ê約是刻tī「心版上」,hō͘ in永遠記tiâu。因為in不時bē記得過去ê約,因為約ê記號是刻tī表皮上,mā就是割禮(參考創世記十七:7—14),á是tī西奈山下ê約,是寫tī石頭殼頂ê誡命(參考出埃及記三十一:18)。

第34節,thang講是kui章經文ê中心,因為chit段經文講tio̍h以色列民族kā kah上帝有一個全新ê關係,就是訂立「新約」。其實「新約」ê特點kah舊約是仝款ê,就是以色列民族kah上帝之間ê關係永遠bē分開。M̄-koh這「新約」有一個特點,就是hō͘原本分裂ê以色列民族重新合一,此後無koh分裂了。因為「全國頂下lóng認bat」上帝,而上帝就是in kui個民族ê連結劑仝款,koh khah重要ê,是上帝「beh赦免in ê罪,無koh記tiâu in ê過犯」。

第35到37節,chit段詩歌kah-ná kah前後ê經文lóng m̄連貫,有kóa聖經學者認為可能是後代編者所加添。不過,mā thang看出這是一首o-ló ê詩歌,teh描述kah上帝訂立「新約」了後,以色列民族會享受安kah樂利ê生活,ná親像天頂ê星辰一般bē改變。詩人用「日頭」、「月娘星」、「波濤澎湃」等來表示過去混亂ê現象,taⁿ lóng kā恢復一切,ná親像chiah-ê天頂ê星辰kah大海仝款,lóng展現了in原本該有ê秩序。「只要自然界ê秩序繼續,以色列國運就會繼續」,這真清楚說明除非上帝創造ê自然界已經失序了,chiah會hō͘新ê以色列國產生危機,若無,以色列國會永遠長存。這mā說明無人ē-tàng理解上帝ê奇妙作為,ná親像無人ē-tàng「量出天空ê極限」kah「測出大地根基ê深度」仝款。上帝拯救ê恩典就是chiah-ni̍h奇妙。

第38到39節,chia ê「哈楠業樓到角門」,這是分別設tī耶路撒冷城ê東北kah西北ê城牆。Á「迦立山」kah「歌亞」chit兩個地點目前不詳。

第40節,thang參考第三十七章所描述過ê。說明過去hiah-ê原是荒野、lóng無人跡ê所在,taⁿ lóng改變à。所有ê改變lóng是因為上帝奇妙ê作為,「耶路撒冷」會成做一個新ê、快樂ê、有希望ê、有上帝賜福ê所在。因為he是「聖城」,必定「無koh被拆毀,被破壞」。

重新查詢 專卷研經 耶利米書系列
錯誤回報,請聯繫