耶利米書 22章1節 到 22章9節   背景資料  上一筆  下一筆
每位先知ê信息lóng有一個共同特點,就是用社會現象來看一個君王是m̄是有照上帝ê旨意在辦理國事。因為tī先知ê眼光中,一個會愛護人民ê君王,一定會實行公義、保護孤兒寡婦、不流無辜者ê血等等。Tī先知ê信息裡差不多lóng離bē開chit種內容,因為chiah-ê乃是上帝所siōng重視ê。一個君王如果無法度做到chiah-ê事,無論tī伊治國之下經濟發展jōa好,á是有jōa-ni̍h-á強大ê國防軍備,lóng kā是枉然,因為上帝並無看chiah-ê,祂看重ê是「伸張正義,實行無變ê疼,謙卑kah咱ê上帝同行」(參考彌迦書六:8),這是siōng koân ê原則。

因為án-ne,研讀先知文獻ê時,如果發見先知teh譴責當時ê統治者,á是權貴階級者欺負貧困人民,就ē-tàng想像會tio̍h hit-ê社會已經出現一個危險ê信號,表示上帝已經受氣,準備ài懲罰背離祂ê人了。有chit種了解後,koh來看chit章,就會發見猶大國會敗壞ê原因。聖經作者hō͘咱一個重要ê教示:一個國家ê君王,á是包括先知、祭司等在內ê權貴者,有無聽上帝ê話語,就是tùi in怎樣對待hiah-ê社會上貧困人民ê態度來評估。貧困ê人民會án-ne受tio̍h傷害,á是被嚴重疏忽,就是因為chiah-ê統治階級已經bē記得上帝ê話語。Chit種社會一定bē長存久安,kan-taⁿ會加速滅亡ê來臨而已。

Chit段經文是先知針對大衛後代ê繼任君王所講ê話,主要teh說明猶大會án-ne被上帝所遺棄,原因是in bē記得成做上帝選民ê責任。

第1到2節,chit-má上帝ài先知耶利米到「猶大王宮去kā大衛王朝ê君王講」。

第3到5節,chit段經文thang參考以賽亞書第十一章3到5節;以西結書第廿二章6到7節等等。Chia提起摩西律法中規定ê,所有官員tī審判案件ê時,lóng「一定tio̍h以公平審判人民,tio̍h公正無私,bē亂使用職權;mā bē-tàng接受o͘-se」,mā tio̍h「公平正直地執法」(參考申命記十六:18—20,出埃及記廿三:1—2、6—8)。Á對待「外僑、孤兒,kah寡婦」方面,mā有真清楚ê規定(參考出埃及記廿二:21—24、8,申命記廿四:17—18),摩西律法非常清楚要求以色列人民一定tio̍h照顧孤兒、寡婦kah外僑(參考申命記廿四:19—22),chiah-ê律法ê基礎是來自in bat tī埃及當過奴隸,有hō͘人欺負受苦ê經驗。如果in lóng有照chit種規定去遵行,in就ē-tàng安然地生活,而且是過上帝所賜福ê富足生活。M̄-koh若in無án-ne遵行,上帝「chiù-chōa」,一定會摧毀所有ê一切成做「廢墟」。

第6到7節,chit兩節真清楚提起上帝決定beh kā「猶大王宮」摧毀,hō͘它荒廢。

Chia提起「基列」chit-ê城市,它是用出產乳香世界出名,mā因為án-ne hō͘ hit-ê城成做醫藥kah藥品中心(參考耶利米書八:22、四十六:11),而且土地非常肥(參考耶利米書五十:19,彌迦書七:14)。Koh講,「黎巴嫩山」有高聳ê香柏樹(參考以賽亞書二:13),是當時siōng好ê建材。

第8到9節,是用問答ê方式,仝款ê話mā記載在列王紀上第九章8到9節。當時上帝bat向所羅門王警告,若伊á是伊ê後代「不服從」上帝,m̄遵守kah上帝所立ê約,去拜偶像,就會有chit種後果。

重新查詢 專卷研經 耶利米書系列
錯誤回報,請聯繫