以賽亞書 9章1節 到 9章7節   背景資料  上一筆  下一筆
舊約聖經中siōng出名ê一段經文說明有關拯救者—彌賽亞—ê預言,就是用賽亞書第九章2到7節。Chit段經文mā是用賽亞書tī第一到十二章中,先知以賽亞四首非常激勵以色列人民ê詩歌中ê第三首。

先知以賽亞得tio̍h上帝chit種啟示,mā teh說明一件事:上帝絕對bē bē記得祂ê子民,祂是信實ê上帝,一定會遵守kah祂子民之間所立ê約。只要in聽從上帝ê話語,tī艱困ê生活環境中必定有夠額ê性命力存活落去。

    Chit章第一段提起希望ê詩歌外,第二段是tùi第8到22節,提起ê是上帝對以色列人民m̄知悔改而決定採取懲罰ê行動。

Chit段詩歌ê背景應該是tī主前733到732年之間所發生ê,是亞述帝國ê皇帝提革giú‧比列色三世,伊率兵攻打北國以色列,致使北部真chē支派ê城鎮受創甚重,m̄-nā城鎮被佔領,而且人民mā陸續hông掠去販賣做奴隸(參考列王記下十五:29)。上帝透過祂忠實奴僕先知以賽亞傳出這希望ê信息,主要就是tī說明:上帝珍惜kah祂立約ê子民,必定會拯救in脫離苦難。Ná親像頭前講過ê,chit首詩歌hông稱做「彌賽亞詩歌」,就是tī說明上帝ê拯救teh-beh臨到,生活Tī痛苦中ê人民,性命有得tio̍h拯救ê希望。

馬太福音作者引用了第1節kah第2節ê經文來紹介耶穌,講伊出來傳天國ê福音,就是帶hō͘當時巴勒斯坦地方hiah-ê人性命ê希望。「西布倫kah拿弗他利兩支派所khiā起ê所在」,這是設tī加利利湖ê西邊,「拿弗他利」是tī比較khah偏北ê所在。Tī約書亞分配土地ê時,有真清楚記載chit兩支派所得tio̍h ê土地邊界範圍(參考約書亞記十九:10—16、32—39)。「bat被藐視」,thang參考列王記下第十五章29節所提起ê,這兩地區ê以色列人民lóng bat被外邦人亞述帝國所佔領。「異族khiā起ê加利利」,chit句話是只有先知以賽亞會án-ne講,chit句話mā講出北部ê加利利被亞述帝國併吞了後,改為亞述ê行省之一。因亞述帝國大量移民進入chit地區khiā起(參考列王記下十七:24)。Tùi先知以賽亞chit種語句mā thang看出chit時北國以色列已經亡國了。

第2節,「烏暗」kah「死蔭」、「大光」kah「照耀」,這是兩組對照ê詞句。聖經作者歡喜以「烏暗」表示死亡,無性命ê希望;用「光」來表示性命有ǹg望。「死蔭」mā teh表示被「死亡ê陰影」罩tiâu tio̍h。「以往」kah「chit-má」,mā呈現出時間上ê差別;「以往」講出亡國了後,而「chit-má」則上帝ê應允、拯救。

第3節,chit節詩歌講出有上帝拯救ê所在,必定會帶來「極大ê喜樂」,這「喜樂」mā表示國家khah強盛起來。M̄-nā án-ne,iáu提起未來會「像人收割農作物」kah「像人teh分享戰利品」。

第4節,chit節連續提起三種壓迫人民ê工具,包括「鎖枷」、「鞭子」、「棍子」等,先知以賽亞講上帝beh kā chiah-ê物件「粉碎」、「扭斷」、「at斷」,意思是hō͘受tio̍h壓迫ê人得tio̍h釋放。

第5節,「靴管」、「戰衣」,這lóng是戰場上軍人一定有ê裝備。chit-má因為無koh有戰爭,因為án-ne,就算珍貴ná親像「靴管」ê物,mā bē有人想beh去奪取來用,卻是會kā它燒掉。

第6到7節,chit兩節講出一個全新ê希望,就是有一位新ê王beh出來統治。Chit位teh beh來臨ê新王,是tùi大衛ê kiáⁿ孫出來,kah第十一章1節、10節所預言ê仝款。M̄-koh khah重要ê,這嬰á m̄是來自人ê培養,卻是上帝所賞賜ê。因為是tùi上帝來ê賞賜,chiah是真正智者。先知以賽亞講出chit位新ê王有幾個特性:

一是「奇妙ê導師」,意思是chit位君王是賢明ê,有智慧ê,而且知影怎樣去執行所計畫ê治國大業。

二是「全能ê上帝」,mā thang做「神聖ê戰士」解釋。意思是講chit位君王就親像上帝hit種偉大,無任何人ē-tàng phah敗伊。

三是「永恆ê老父」,chit位君王ná親像慈愛ê老父仝款,一直lóng teh照顧伊ê人民、子民。

四是「和平ê君王」,表示chit位賢明ê君王帶hō͘伊ê子民是和平,hō͘伊ê人民有安樂繁榮ê生活。

五是會用「公平正義」作為「統治ê基礎」,這是維護一個社會siōng基本ê要件。當聖經teh用「公義」一詞形容上帝ê時,mā同時是teh表明上帝是慈悲憐憫,有豐富ê疼。

「萬軍ê統帥決意beh成就這一切」,這是一種保證,是帶有永bē改變ê應允、應允。只要是上帝所決意ê事,一定會成就。

重新查詢 專卷研經 以賽亞書系列
錯誤回報,請聯繫