以賽亞書 59章1節 到 59章8節   背景資料  上一筆  下一筆
Chit章是續接第五十八章,先知以賽亞teh控訴以色列人民會án-ne淪落到亡國,而且人hông掠去他國做奴隸ê背景。Mā是針對耶路撒冷會án-ne被毀滅,以及後來上帝為甚麼伸手救助ê經過。M̄-koh回鄉後ê以色列人民,若是iáu m̄知真心悔改,tùi過去失敗ê經驗得tio̍h反省ê教示,iáu kah過去仝款墮落,上帝拯救ê恩典就bē koh一pái顯現。

Chit段經文真清楚指出,以色列人民過去ê生活kah工作悖逆上帝ê教導,做盡上帝看做邪惡ê事,因為án-ne,雖然in bat用真隆重ê祭祀禮儀敬拜上帝,m̄-koh上帝並m̄-chhap,ná親像第一章11到17節所提起ê,若是in無遵行上帝ê教導,就算有真chē禮拜儀式,mā是枉然。另外,值得注意ê是Tī chit段經文中,一再重複使用「Lín」共十三pái、「Lín ê」共七pái。真明確ê表達:真正ê問題m̄是tī上帝,卻是tī以色列人民家己ê身上。

第1到3節,chit段經文真清楚指出上帝不垂聽以色列人民祈求ê聲音,是因為實在是in做盡了pháiⁿ事,m̄聽上帝ê勸導,kan-taⁿ會一意孤行,而且是去傷害無辜者ê性命,chit種人ê祈禱,上帝bē聽(參考約翰福音九:31)。並m̄是上帝無能力,á是m̄-thang搭救in,卻是因為in所犯ê「罪」,是違背上帝ê旨意,棄sak上帝去拜偶像神明,並且欺壓別人,詐取別人ê財產hō͘家己ê財富增加,因為án-ne,in雖然有敬拜,m̄-koh先知tī chia ê信息講in ê「敬拜無效」。原因ná親像先知tī chia明確指出ê,in ê雙手沾滿血,指頭染滿罪」,「嘴唇講白賊,嘴舌出凶言」等,chiah-ê罪狀lóng非常明確。

第4節,「上法庭,卻無講公道」,「靠tio̍h白賊訴訟」,「憑陰謀害人」等,這mā是主前第八世紀tī北國以色列法庭ê情景(參考阿摩司書五:10—12)。Á chit種行為是摩西律法中所嚴厲禁止ê(參考申命記十六:18—20),因為上帝無法度接受chit種惡質ê行為。

第5節,「毒蛇teh孵卵」,chia用毒蛇表示奸巧、不誠實。Mā用來代表撒旦、魔鬼ê意思。Tī chia,chit句話mā是teh指甚麼人食了毒蛇ê蛋,一定會死。「蜘蛛teh結網」,意思是teh指蜘蛛結ê網是無法度用來織衣,意思he是無用ê物件。「蛋phah碎了,毒蛇就跳出來」,指做邪惡ê事ê人,m̄-nā會傷害別人,mā會傷害到家己。

第6節,「陰謀遮不住家己ê醜惡」,意思是teh指無法度滿足家己ê慾望。M̄-koh為tio̍h滿足需要,任何pháiⁿ事lóng做得出來,連siōng「殘暴」ê「手段」lóng會使用。

第7節,「時時計畫pháiⁿ事」,thang參考箴言第一章16節。意思是teh指以色列人民一再拒絕聽從上帝奴僕ê苦勸,tùi無停止做pháiⁿ事ê念頭。Tī in ê心中,根本to̍h無上帝,因為án-ne chiah會下手「殺害無辜,一屑á都無躊躇」。列王記作者後來teh評斷猶大亡國ê原因之一,就是認為因為in ê王瑪拿西王m̄-nā去拜偶像,雙手iáu沾滿無辜者ê血,致使上帝無法度原諒in,而hō͘猶大國淪陷tī巴比倫帝國手中(參考列王記下廿四:4)。

第8節,chia先知真明確指出是in破壞安寧。而且上帝非常清楚in所做ê一切,必定會追究。


重新查詢 專卷研經 以賽亞書系列
錯誤回報,請聯繫