以賽亞書 52章13節 到 52章15節   背景資料  上一筆  下一筆
Chit三節ē-sái講是第五十三章ê前言,表示上帝ê奴僕雖然受盡屈辱,m̄-koh上帝卻高舉伊,hō͘這奴僕有至高ê榮譽。Chit三節kah第五十三章12節相呼應。

第13節,「我ê奴僕beh完成使命」,chit句話已經真清楚,上帝ê奴僕siōng重要ê工作,就是完成上帝所付託ê使命。Á這奴僕就是以色列人民(參考以賽亞書四十四:1),是上帝所揀選ê奴僕,上帝會喜愛、扶持(參考四十二:1)。原因是chit位奴僕忠實tī上帝ê付託,而且完成了使命。Chia mā講出chit位奴僕確實是受苦ê奴僕,必定是受盡折磨,chiah會「容貌憔悴,差不多無人ê形像」。原因是這奴僕受tio̍h極大ê凌辱,hō͘ kā上帝原本創造ê時「人ê形像」lóng變形像ā。因為án-ne,當「真chē國家」、「君王」聽tio̍h上帝拯救ê大能是透過祂忠實奴僕顯示出來,而chit位忠實奴僕卻是hō͘眾人,尤其是chiah-ê國家á是民族ê領導者所折磨ê對象,hō͘ in lóng感覺「驚異」而「啞口無言」。因為chit時chūn,in chiah知影這原來是上帝拯救ê奧秘kah計畫。

重新查詢 專卷研經 以賽亞書系列
錯誤回報,請聯繫