以賽亞書 37章21節 到 37章38節   背景資料  上一筆  下一筆
Chit段經文是先知以賽亞傳出上帝hō͘希西家王ê信息。樣式ná親像天頂開庭審理希西家王所投遞ê控告亞述皇帝ê訴狀,結果做出判決。上帝實現了祂hō͘希西家王ê應允,mā就是上帝必定會伸手嚴厲懲罰亞述帝國ê軍隊以及亞述皇帝西拿基立。

第21節,先知以賽亞真清楚hō͘希西家王知影「上帝已經垂聽」伊「控訴亞述皇帝」ê祈禱。

第22到23節,tùi段經文是上帝對希西家王ê祈禱(控告)ê回應,mā是上帝kā做出ê審判。Chia清楚講出上帝beh嚴懲西拿基立,而懲罰ê方式包括hō͘西拿基立被譏笑、侮辱,原因是伊「看bē起」以色列神聖ê上帝,並且用真chē其他ê神明來kah上帝比並,這等於是teh侮辱上帝ê神聖。
第24到25節,chit兩節講出亞述大將誇耀西拿基立有jōa大ê本等,「征服了黎巴嫩ê siōng koân山峰」,mā「Kā埃及ê河流lóng踏乾了」,意思真清楚是teh指上帝創造ê黎巴嫩高山,kah珍貴ê森林lóng無夠額來hō͘亞述皇帝西拿基立對上帝生出敬畏ê心,而kui個中東地帶看做siōng珍貴ê性命泉源尼羅河,mā被西拿基立軍隊hō͘堵住成乾涸。Chiah-ê講詞lóng teh表示上帝ê創造無甚麼了不起,chit種講詞等於是teh藐視上帝ê創造。

第26到27節,chit兩節講出亞述帝國過去ê威武無法度thang擋,並m̄是伊有甚麼特別了不起,卻是出tī上帝「早就計畫好這一切」,tio̍h用伊來懲罰hiah-ê背逆上帝旨意ê人民。Á上帝ê懲罰,就是摧毀人所誇耀ê一切。

第28到29節,「你做甚麼,gōa chē,我lóng知影」,chit句話說明chit位創造天地萬物ê主宰,是無所不知、無所不在ê上帝(參考詩篇一三九:1—3)。Mā知影人心內ê意念,無論是m̄是有用行動表現出來,即使隱藏在內心深處mā是仝款。因為án-ne,上帝表示beh án-ne懲罰亞述,就是beh「用鉤子穿過」亞述ê「鼻á」,ná親像釣魚仝款,表示已經被掠tiâu,會面臨死亡。然後會用「嚼環套tòa」亞述ê「嘴」,這是勒tòa野馬ê一種方式,用來馴服野性、狂奔野獸siōng好ê工具,hō͘伊聽從主人駕馭ê指令。

第30到32節,chit段經文是上帝透過先知以賽亞回應希西家王ê話。上帝為tio̍h beh堅定希西家王ê信心,beh hō͘伊一個「預兆」,就是「今年明年」過了後ê「後年」,iáu大將會恢復本來ê一切景象,人民thang「掖種,收成」,食家己努力種作ê食物。Mā tio̍h hō͘「劫後餘生」就是熬過chit段被圍城ê艱困而且忠實守tiâu上帝ê話ê人,thang tī耶路撒冷安定khiā起、生活。

第33到35節,chit段話是上帝對亞述皇帝西拿基立kah亞述軍隊做出裁決。一是上帝會hō͘亞述軍隊無法度進入耶路撒冷城,甚至連包圍mā無可能。因為上帝beh親自庇護hit-ê城。

第36到37節,就án-ne上帝差派祂ê「天使」進入亞述營中,刣死「十八萬五千兵丁」,這就ná親像上帝ê天使進入埃及別人中,所有頭胎生ê,包括人kah cheng-seⁿ lóng刣死仝款(參考出埃及記十二:12、29)。當西拿基立看見死亡chiah-ni̍h慘重了後,只好班師回朝去。Ná親像第29節、第34節所講ê,tùi tó位來,就tùi tó位tńg去。

第38節,chit節簡單ê記錄了西拿基立hō͘家己ê kiáⁿ殺害ê經過。根據歷史ê記載,西拿基立是tī主前681年,mā就是tī主前701年伊率兵攻擊、包圍耶路撒冷了後ê二十年,hō͘伊ê kiáⁿ殺害。

重新查詢 專卷研經 以賽亞書系列
錯誤回報,請聯繫