以賽亞書 32章1節 到 32章20節   背景資料  上一筆  下一筆
Chit章kah第三十三章lóng是提起上帝會有公義ê審判。因為有公義ê審判,才能為社會帶來新ê氣象。Tī這兩章中,先知以賽亞提出四個信息主題:一是第三十二章1到8節,會有一個公正ê領袖出現,伊會以公平治理國家。二是第三十二章9到20節,上帝ê審判kā臨到,會懲罰悖逆ê人,m̄-koh了後必定會有新ê景象出現。三是第三十三章1到6節,上帝確實伸出救助ê手。四是7到24節,上帝確實是拯救者kah審判者。只有tī祂ê身上,chiah有性命ê真實希望。

第1到4節,「有一工」,chit種用詞mā是先知文獻ê特色,表明一個重要ê信息:上帝ê審判會來臨,祂ê救恩ē-sái受難ê子民得tio̍h釋放。先知以賽亞信息ê中心,是有一個「以正義掌權」、「公平治國」ê君王會出現(參考以賽亞書九:7、十一:4—5十六:5)。Tī先知以賽亞筆下ê上帝,ná親像chit節所提起ê新君王一般(參考以賽亞書廿五:4)。一個「正義」、「公平」ê政府,會成做伊治理下ê人民ê「避風港、躲雨洞」,mā會ná親像人民tī「沙漠中ê泉源」,kah tī「荒野裡遮蔭ê巨石」仝款,會hō͘其所治理下ê人民感覺安全、有óa靠ê對象。這就會看見全新ê現象出現,ná親像第三十五章5節所講ê「chheⁿ-mê-.ê ē-tàng看,臭耳聾ê ē-tàng聽」。大家願意聽從上帝ê教導,因為án-ne,mā會看tio̍h上帝救贖ê恩典就tī目睭前。

第5節,chia真清楚講出公義、公平ê社會,就是一個是非分明ê社會。「小人」指ê是kah吝嗇有關。第6節ê「愚拙」有另外一個含意,是teh指tī道德上失去規律ê人。Chit兩個用詞lóng teh表示一個失去責任感ê人,kan-taⁿ知影貪圖家己ê利益,甚至會不擇手段爭取家己ê需要,in tī充滿正義ê社會中無法度生存。

第7到8節,chit兩節是對偶句,前段講出「奸巧」者。雖然chit種tī人看起來ná親像真精明ê人,tī上帝眼中卻是愚拙到極點。Chit種人真會用「詭詐」ê方式「剝削窮苦人」。Á「講白賊」就是in講話ê特色。相對tī奸巧ê人,就是所謂「高尚ê人」,chit種人會做「高尚ê事」,mā就是會樂意奉獻,不時幫助貧困ê人。Chit所在ê「高尚ê事」,mā表示「善事」,指ê是幫助別人。

第9到14節,chit段經文是對耶路撒冷ê婦女提出呼籲,tio̍h in「注意聽」先知傳達出來上帝ê信息。Chia用幾種現象來描述國家被敵人滅亡ê慘狀,就是:無法度koh再有安逸ê生活;田園荒廢hō͘生活物件欠缺;捶胸哀傷;國家田園lóng荒廢了,chiah-ê mā teh表示厝裡ê cha-po͘人若m̄是戰死戰場,就是hō͘擄伊去。

第15到20節,chit段經文kah第9到14節呈現完全顛倒ê現象。Chia講tio̍h tī上帝嚴厲ê審判了後,會出現一個全新、美好ê境界,chit-ê境界影上帝ê靈灌ak、充滿,絕對m̄是人為ê氣力ē-tàng成就。有上帝ê靈充滿tī祂ê子民身上,就會改變頭前因為上帝忿怒帶來懲罰ê頹廢景象,萬物lóng kā煥然一新。

Chia講「上帝差遣祂ê靈」降臨到人間,一切lóng kā是新ê創造仝款;荒蕪ê田園kā重新變成翠綠茂盛ê景象,是一種新性命出現。Hit位teh beh來臨ê君王tio̍h用「正義」、「公道」治理國家、帶領人民。Án-ne,「人人行為正直」,mā因為án-ne,hiah-ê人會「永遠安居樂業」,生活tī「無憂無慮」ê環境中。Tī這樣環境中,連社會上siōng基層ê普羅大眾,mā就是顧羊人lóng ē-tàng「無憂無慮」地tī田野過放牧生活,「牛」、「驢á」lóng ē-tàng安心tī大片「草場上食草」。

重新查詢 專卷研經 以賽亞書系列
錯誤回報,請聯繫