以賽亞書 31章1節 到 31章9節   背景資料  上一筆  下一筆
Chit章是繼續teh對猶大ê人民呼籲,m̄-thang對埃及存有幻想,而是beh對上帝有信心chiah正確。Tī先知以賽亞ê觀念中,上帝ê選民m̄信靠上帝,卻寫phoe去靠上帝隨時只要伸手就摧毀ê軍事武器,á是政權隨時會因外力介入而興衰ê國家、政府,這是非常不智ê選擇kah態度。Tī這章經文ê信息中,先知以賽亞一再提出chit-ê信息:上帝絕對會保護耶路撒冷,而chit點tī主前701年耶路撒冷陷入危機ê時,tú親像先知傳達ê信息仝款,上帝確實是伸手解救耶路撒冷,mā解決了猶大人民被亞述帝國圍困ê困境。

第1到3節,這是第五次提起「受災」ê預言。Chia ê「求救」、「倚賴」、「óa靠」、「求」等四個詞字,lóng kah「信心」有密切關係。雖然先知以賽亞無使用「信心」Chit-ê詞,m̄-koh卻用各種相關ê詞呼籲猶大人民對上帝beh有絕對ê信心。雖然「埃及龐(pâng)大軍力—戰馬、戰車,kah步兵」,m̄-koh先知以賽亞iáu是提醒猶大人民,chiah-ê軍事武器是不可靠ê(參考詩篇三十三:16—17)。其實先知以賽亞tio̍h傳達一個基本信念是:tio̍h選擇óa靠上帝,á是óa靠人ê氣力?上帝ê子民一定tio̍h有明確ê選擇。伊tī chia mā提起上帝一定會懲罰「作惡ê人」,連「袒護」作惡ê人mā會受懲罰。Chit句「埃及人並m̄是神;in不過是人」真重要,因為話中表達ê中心信息是:只要是人,就m̄是神。只要是人,就會有人ê軟弱。無論人jōa-ni̍h-á強勢有力,á是jōa-ni̍h-á堅強ê軍事力量,只要「上主一伸手」打擊,chiah-ê lóng kā瓦解潰敗,甚至消失。

第4到5節,chia用「獅」kah「幼獅」來表示森林中siōng強猛ê野獸,捕獲「另外一隻野獸」ê時,絕對bē放開。先知以賽亞用chit種方式teh譬喻上帝不輕易改變祂ê決定。上帝若決意tio̍h保護耶路撒冷,就會親像獅捕獲獵物仝款,絕m̄放手,mā無人敢去tùi獅嘴中koh再奪取tńg去。然後伊koh續落來用飛禽來譬喻,kah第4節所講ê譬喻仝款。

第6到9節,tī所有先知ê信息中lóng有一個共同點:呼籲猶大人民悔改歸向上帝,m̄-thang koh再陷入ná無法度拯救in ê脫離災難、用「金銀所鑄造ê」偶像神明。另外一方面,先知以賽亞ê信息kah hō͘猶大人民知影,即使親像亞述án-ne威武ê帝國,mā會hō͘上帝摧毀,in ê國王mā會「逃走」,軍官將領mā會「撤退」,上帝重新恢復耶路撒冷ê榮耀。連亞述lóng會失敗落走,這應該是teh指主前701年亞述皇帝西拿基立率兵攻打耶路撒冷ê事件。Hit-pái ê戰事猶大ē-tàng得tio̍h勝利,既m̄是猶大ê軍隊phah贏亞述軍隊,mā m̄是埃及派兵前來協助,卻是上帝ê天使進入亞述ê營寨,刣死十八萬五千名兵丁,chiah hō͘亞述皇帝西拿基立趕緊班師回朝(參考以賽亞書三十七:36—37)。

重新查詢 專卷研經 以賽亞書系列
錯誤回報,請聯繫