Mā是由三種文獻混合編輯而成ê。「以羅伊文獻」ê資料是主軸，siōng少ê是「祭司文獻」。

Tùi chit章開始是紹介第四位族長約瑟。chit章mā提供創世記ê一個主題：人ê對敵者，往往是家己ê親人、siōng親近ê人。親像：亞當kah夏娃、該隱kah亞伯、羅得kah伊ê cha-bó͘-kiáⁿ、以掃kah雅各、約瑟kah伊ê兄弟等等。

開始講約瑟十七歲發生ê事。伊kah其他兄哥並無和諧，原因是伊不時向老父雅各報告其他兄哥所做ê pháiⁿ事。

第3到4節，雅各偏愛約瑟，ná親像伊ê老母利百加偏愛伊。因為án-ne，引起約瑟其他眾兄哥ê嫉妒kah不滿。

第5到11節，是「以羅伊文獻」ê特色，用夢來說明上帝ê啟示。約瑟做兩個夢，lóng teh說明伊會成做中心人物，伊ê兄弟，kah伊ê老父，lóng會hō͘伊掌管。