以西結書 8章14節 到 8章18節   背景資料  上一筆  下一筆
Chit段經文koh khah詳細描述出第13節所提起ê koh khah 可惡ê事之證明,並且講出上帝ài beh進行ê審判。

第14節,地點仝款是tī「聖殿北門」ê所在。Tī he地方上帝hō͘先知以西結看見有一陣婦女tī hia「正teh為搭模斯神ê死而啼哭」;這「搭模斯神」是tī巴比倫地區香火非常興盛ê植物之神,ná親像撒迦利亞書第十二章11節所提起、迦南地人所崇拜ê「哈達‧臨門」之神仝款,lóng是屬tī植物之神。Án-ne thang看出,猶大人民進入迦南地了後,mā tòe當地人拜chit種傳說中ê植物之神。Chit種神死後會到地獄去當地獄之官,掌管地獄ê大門。因為án-ne,迦南人認為當tī春天祭拜,祭拜ê時tio̍h用「啼哭」ê方式,án-ne,春耕了後ê秋收就ē-sái栽種之農作物有好ê收成。通常chit-ê神明lóng是婦女tī膜拜,因為in相信若是春天膜拜這神明,秋天收成會koh khah好。In mā深信,若是崇拜此神,結婚ê婦女比較khah容易有娠生kiáⁿ,而未婚ê婦女容易被cha-po͘人歡喜。傳說中,chit-ê搭模斯神mā管理愛情。

Chia會講這神「死」了,mā有另外一個原因,就是因為饑荒、糧食嚴重欠收,大家認為是婦女拜ê無夠,獻祭siuⁿ少,chiah致使chit種乾旱ê結果。Án-ne,啼哭ê聲音就需要koh khah大聲,獻祭tio̍h koh khah豐富,chiah ē-tàng喚醒chit-ê神,hō͘其koh活。

第15節,第14節ê現象已經夠嚴重ê了,m̄-koh tī chit節上帝koh hō͘先知以西結看見比這iáu「koh khah 可惡ê事」,這mā說明為甚麼上帝會發生大受氣,嚴厲懲罰猶大人民ê原因,是以色列ê眾領袖真正是墮落到極點。

第16節,「聖殿ê內院」,chia只有祭司chiah ē-tàng入去ê所在,一般民眾禁止進入,因為chia是祭司teh舉行獻祭ê地點,只有祭司階級ê人chiah ē-tàng進入來chit-ê所在,koh kā它稱做「祭司院」。M̄-koh tī chia卻發現「約有二十五個人,背向內院」ê祭司,竟然tī「拜初升ê日頭」,而且地點竟然是tī祭司院,這tú好證明了in是tī敬拜上帝ê地方,mā同時teh拜偶像神明,chit種行為其實就是teh褻瀆上帝ê神聖。這就是tī回應第15節所講ê,in做「koh khah 可惡ê事」。

第17節,上帝ê靈帶領先知以西結去查看實際發生ê事,透過伊傳達上帝ê信息,kā時間kah地點lóng指證出來,表示chiah-ê lóng是經過調查了後,查之有據,並無故意冤枉á是栽贓。因為án-ne,上帝會嚴厲懲罰猶大人民,是in罪有應得。因為in「做可惡ê事」。

上帝對猶大人民ê指控是in「以siōng無禮ê舉動侮辱」上帝,chia所講ê「siōng無禮ê舉動」,意思是teh指in the̍h樹枝指向上帝。這是當時巴勒斯坦地區一種崇拜神明ê方式,用樹枝khǹg tī鼻á ê頭前,然後唱歌跳舞跳躍tio̍h。M̄-koh猶太人kā「樹枝」翻譯做「惡臭」,意思是teh指kā真臭ê樹枝帶到聖殿ê祭壇所在,用chit種方式表示對上帝極大ê「侮辱」。

第18節,「激怒」上帝ê結果kan-taⁿ會帶來上帝嚴懲,無可能得tio̍h上帝ê「饒恕」、「憐憫」。雖然in tī hō͘上帝嚴厲懲罰ê時會向祈求「饒恕」,m̄-koh上帝決定不接受。類似chit種信息mā出現tī其他先知作品中,講上帝會拒絕猶大人民祈禱ê聲音,連上帝ê僕人先知代替祈求,上帝mā會拒絕接受(參考以賽亞書一:15、五十八:3、4,耶利米書十四:12)。

重新查詢 專卷研經 以西結書系列
錯誤回報,請聯繫