以西結書 36章16節 到 36章38節   背景資料  上一筆  下一筆
Chit段經文是上帝透過歷史ê回顧,重新beh建立以色列民族,hō͘ in成做新而且是聖潔ê以色列民族。

第16到18節,chia提起過去以色列人民(意思是teh指南北二國)因為去「拜偶像」神明,「生活行為lóng玷污了hit塊土地」,致使in tī上帝眼中ná親像「無清氣」ê婦女仝款(參考利未記十五:19—24)。In mā犯「刣人」ê惡質行為,因為án-ne引起上帝「piàⁿ落大受氣」當做懲罰ê方式。

第19到21節,上帝懲罰ê方式就是kā in「放ta̍k到外國去」,只要看見in ê人,lóng知影以色列民族是上帝ê選民,卻án-ne潦倒、落魄,譏笑in ê時chūn,mā同時侮辱上帝ê「聖名」。

第22到24節,chit兩節真重要,說明並m̄是以色列人民有甚麼值得提ê優點,hō͘ in ē-tàng tńg去故鄉,卻是上帝為tio̍h beh保全「家己ê聖名」。過去以色列人民hō͘上帝ê名「蒙羞受辱」,taⁿ上帝beh證明祂是神聖bē-tàng侵犯ê,因為án-ne,上帝beh kā以色列民族帶tńg來故鄉,證明上帝絕對ê神聖。

第25到28節,Tī chit段經文中,上帝有表示幾個重要行動來說明祂kah以色列民族之間ê特殊關係:一是上帝beh重新改造以色列民族,洗盪in一切ê污穢。二是kā in賜福換上一粒「新ê心、新ê靈」,hō͘ in知影「服從」上帝ê旨意。三是kah in重新立約,in beh重新做上帝ê子民。

第29到30節,chia講beh hō͘以色列人民重回故鄉了後,tī上帝賞賜kā in賜福khiā起ê土地頂面「無koh有饑荒」,所掖種ê「五穀豐收」,hō͘ in ê「果子樹結實纍纍,田園增產」,chiah-ê lóng是當時世界看做siōng珍貴ê性命財產。Tī chit種環境之下bē有「饑荒」,mā bē被「列國侮辱」。

第31到32節,chit兩節thang參考第六章9節、第十六章63節、第二十章43節等等。

當以色列人民重回家鄉了後,發現上帝是án-ne恩待in,chit時in就會醒悟起來,知影過去所做ê事真是荒唐至極,而知影「痛恨」萬分。上帝koh一pái強調祂會án-ne做,並m̄是因為以色列人民有甚麼優點,卻是上帝beh維護家己ê聖名ê緣故。因為án-ne,上帝beh以色列人民知影悔改,知影「為家己所做ê感覺慚愧見笑」。

第33到36節,chit段經文說明上帝洗盪了以色列人民ê罪,mā就是赦免了in,並且賜福in,hō͘ in過去荒廢ê土地重新得tio̍h賜福而ē-tàng生出一股全新ê氣力,種作ê田園ná親像伊甸園hit種ê美,無koh是廢墟,卻是「人口稠密,koh有鞏固ê堡壘」thang安全khiā起ê城鎮。

Chit句「iáu未滅亡ê鄰國」,表示hiah-ê僥倖生存落來ê族群,lóng會看tio̍h上帝怎樣保護以色列殘存ê人民,帶領in tńg去故鄉,而且hō͘ chiah-ê人民ē-tàng「重建廢墟重耕荒地」。這既然是上帝是用祂永恆性命chiù-chōa ê話,就一定會實現。

第37到38節,chit兩節koh一pái說明回鄉後ê以色列人民,已經顯示出全新ê氣象,除了清楚知影,in siōng好ê,mā是唯一ê óa靠者,就是bat帶領in tùi奴隸之地tńg去故鄉ê上帝,而祂beh賜福kā in賜福「人口像羊群仝款增chē」,真是siōng大ê賜福。Án-ne,in除了過去tī戰爭中死亡慘重外,hông擄去做奴隸ê mā有真chē是操勞過度來死亡,chhun落來ê就是所謂殘存ê人民。現在tńg去故鄉了後,上帝賞賜kā in賜福ê,就是按時降雨,hō͘ in ê土地肥而生產豐富ê五穀、果子,hō͘ in無iau餓ê危險,hō͘ in thang因為án-ne生湠chē-chē遍滿大地,重建起來ê城鎮,會像過去繁榮、人口真kheh ê耶路撒冷城仝款,充滿tio̍h性命活力,mā會知影獻上感恩ê祭。

重新查詢 專卷研經 以西結書系列
錯誤回報,請聯繫