以西結書 18章19節 到 18章32節   背景資料  上一筆  下一筆
Chit段經文提供一個重要觀念:無所謂積功德thang用來換取罪過減免該受ê懲罰。這mā講出了基督教信仰一個基本觀念:上帝賞賜hō͘人能力是beh去實踐上帝ê旨意,m̄是beh人用來當做「贖罪券」ê路用。

Koh講,chit段經文有一個中心主題:悔改。Án-ne chiah是得tio̍h上帝赦免、憐憫ê主要因素。Á這mā是kui本聖經ê教導。

第19到20節,chit兩節是猶大人民聽先知以西結ê回答後表示無仝ê意見。In問講:「kiáⁿ為甚麼不因老父所犯ê罪受折磨?」chit種觀念kah當時流行ê俗語有關,ná親像耶利米書第三十一章29節所記載:「老父食了酸葡萄,kiáⁿ ê嘴齒酸pháiⁿ à。」chit兩節非常清楚指出,上帝一定會保存hit-ê些遵行祂旨意ê子民,hō͘ in「存活」,因為「只有犯罪ê人該死,kiáⁿ m̄免為老父ê罪受折磨」。

「好人會因為行善得報償;pháiⁿ人會因為做pháiⁿ受懲罰」,chit句話kah台灣俗語ê「好人有好報;pháiⁿ人有pháiⁿ報」仝款。

第21到22節,「悔過」,意思是teh指歸向上帝。Mā就是tùi「棄sak」上帝而去做上帝看做邪惡ê事,tńg來到上帝面前,遵行上帝ê「律法」,對tī chit種人,上帝ê回應是「m̄免死,一定存活」。因為án-ne,「悔過」,是改變á是hō͘上帝息怒ê唯一thang行方案。Koh講,真正「悔過」ê人,是無法度講條件ê,只有ê,就是照上帝ê話「做該做ê事」。

第23節,chit節mā講出kui本聖經ê教導,就是上帝「寧可」看tio̍h罪人「因悔過而存活」,chit句話koh一pái出現tī以西結書第三十三章11節。

第24節,chit節thang參考彼得後書第二章20到22節。

「好人不koh做好事,而做pháiⁿ人所做hō͘人憎恨ê pháiⁿ事」,這表示原先ê好人已經沉淪、棄sak了上帝,伊所做ê pháiⁿ事,kan-taⁿ會koh khah pháiⁿ。而且這m̄是只有一pái,卻是連續無停,比起原本是pháiⁿ人ê人,只有過之而無不及。因為án-ne,「伊以前所做ê好事無hông記念」,這就是頭前所講ê,過去所做ê善無法度積存來折換後來ê罪責。Chit種人等於違背了kah上帝所立之約,伊會因為「背信、犯罪來死亡」。

第25到29節,chit段經文是tī辯駁以色列人民錯誤ê觀念,因為in認為上帝tī第21到24節所做ê回答有問題,甚至認為上帝不公平,kah-ná是teh講若是好人過去所做ê善,無被保存落來當做「功德」使用,就冤枉了好人。

第25節kah第29節ê經文內容完全仝款。主要teh強調,m̄是上帝不公平,卻是以色列人民ê認知有錯誤。

第26節,「好人不koh做好事」,這表示原先是好人ê chit-ê人,棄sak上帝ê道已經真遠,伊bē記得上帝kah祂ê誡命,而且所做ê事,比pháiⁿ人所做ê koh khah惡質。其結果就是「因為家己做pháiⁿ事」來死。

第27節kah第26節呈相對句型。Chia ê「悔過」kah第28節ê「省察、改過」是仝款ê意思。

第30到32節,chit段是勸勉以色列人民一定tio̍h趕緊悔過,只有án-ne chiah ē-tàng保存性命。上帝ê審判真公平,一定會「照lín個人ê行為審判lín」,chit句話mā tī第七章3節、第三十三章20節。

「Lín tio̍h悔過」,只有án-ne chiah ē-tàng hō͘人避免因為罪帶來「毀滅」、死亡,而chit點ē-sái講是kui本以西結書ê中心信息,mā是kui本聖經信息ê主軸。

「換一個新ê心、新ê靈」,thang參考以西結書第十一章19節、第三十六章26節。這表示「新ê心」kah「新ê靈」並m̄是人家己有辦法更新,卻是因為歸向上帝,上帝chiah會賞賜hō͘伊一粒新ê心靈(參考羅馬書十二:2)。上帝「無願意任何人死亡」,無論甚麼人,只要知影「改過就會存活」,這mā是先知運動ê中心思想。

重新查詢 專卷研經 以西結書系列
錯誤回報,請聯繫