以西結書 16章35節 到 16章43節   背景資料  上一筆  下一筆
Chit段經文說明上帝beh嚴懲南國猶大人民,而懲罰ê方式,就是侮辱伊,因為伊既然親像一個蕩婦般,上帝就順tio̍h伊ê行為,hō͘伊徹底難堪。

第35節,「淫婦耶路撒冷」,chia ê「耶路撒冷」指ê是kui個猶大人民,m̄-koh mā隱含tio̍h所有以色列人民。「beh聽上主所講ê話」,這是上帝beh宣判ê踏話頭,ná親像法官tī宣讀判文仝款。

第36到39節,chit段經文講出上帝ê審判ê理由,上帝先宣佈in ê罪狀:

一是猶大人民「脫光了衫褲」,陪tio̍h情人睏,mā為tio̍h拜偶像神明去當廟妓。

二是「殺害家己ê kiáⁿ,kā in當牲祭獻hō͘偶像」,chit句話thang參考列王記下第廿一章6節。

續落來是宣判懲罰ê方式:

一是上帝beh tī外面國人面前「剝光」猶大ê衫褲,hō͘大家看見以色列人民「全身赤裸」這是一種極大ê侮辱,chia「剝光」mā teh表示hō͘ in一無所有。

二是上帝lóng tio̍h用「處死」ê方式來懲罰,這是照摩西律法ê規定,淫亂罪是死罪,刣人罪mā是仝款。

三是,hō͘猶大人民成做他國人民ê奴隸,in不但beh來奪行in身上所有ê「衫褲kah首飾」,mā hō͘ in「赤裸裸一絲不掛」ê醜態畢露出來。

第40到41節,thang參考第廿三章47節。Chit兩節講出chiah-ê列國kā怎樣對待猶大人民:

一是用「石頭」phah死。這是對付淫亂罪者ê一種懲罰方式(參考申命記廿二:24)。

二是「用劍剁碎」,表示一種tī非常忿怒之下進行ê手段。

三是「放火燒你ê厝」,這表示koh khah án怎都無錢thang hō͘情郎了,án-ne,就bē koh再用錢勾引、雇用情郎來行淫(參考以西結書十六:33—34)。Chit種放火燒厝á是田園ê方式,mā是古代社會一種對付仇敵ê方式(參考士師記十二:1、十五:6),hō͘仇敵lóng無遮蔽、安居ê場所,而成為sàn-chhiah ê「喪鄉」者。

第42節,chit節是講tī懲罰了後,chiah會hō͘上帝小khóa消怒一下。

第43節,「你bē記得你年輕ê時我怎樣待你」,chit句話thang參考以西結書第十六章1到8節。因為án-ne,上帝用chit種方式來「報應」in。

舊約聖經作者一再提醒讀者,上帝是會報應ê(參考士師記一:7、九,歷代志下六:23,以賽亞書三:11、五十九:18、六十五:7,耶利米書十七:10、三十二:19,以西結書十六:59,何西阿書四:9)。耶穌ê教導中mā提出chit種看法(參考馬太福音十六:27)。

重新查詢 專卷研經 以西結書系列
錯誤回報,請聯繫