以西結書 16章1節 到 16章14節   背景資料  上一筆  下一筆
Chit章ê經文是以西結書siōng ē-tàng凸顯上帝kah以色列民族之間就ná同是夫妻關係。以色列民族自喻in kah上帝之間ê親密關係,khah贏過任何其他民族,in認為上帝獨愛in,因為in kah上帝立有性命之約。M̄-koh聖經作者,特別是先知ê文獻中,則真清楚表明:如果以色列民族kah上帝之間ê關係ná親像夫妻般親密,án-ne就應該ná親像夫妻般ê忠於對方,無法度棄sak。Ē-sái講是in卻m̄是親像in家己所講ê hit種謹守規矩,卻是四界去拜偶像神明,ná親像人盡thang夫ê淫婦一般。In拜了真chē偶像神明,hō͘上帝非常受氣,而決定嚴厲懲罰in,chit種描述tùi先知何西阿ê文獻中(參考何西阿書第一到三章)就thang清楚看出來。

Chit段經文有一個非常重要ê思想中心:以色列民族所有ê一切,tùi出世開始,直到落尾變成貴婦般ê富裕等等,lóng是tùi上帝來ê憐憫kah賞賜,in並m̄是原本就擁有。

第1到2節,上帝beh先知以西結去對受掠ê猶大人民講,in siōng令上帝「憎恨」ê所在,就是去拜偶像神明,特別是耶路撒冷ê猶太人siōng嚴重。

第3到5節,chit段經文是tùi以色列民族tùi「出世」開始講起。Chia開始講「迦南是你ê故鄉」,chit句話有兩種意思,一是teh指kui個迦南地ê所在,tī以色列人民ê觀念中,是一個低賤、無水準ê所在。二是teh指耶路撒冷城,原本是耶布斯人盤踞ê城,大衛執政時代,chiah佔領hit-ê城而改名為耶路撒冷。

「老父是亞摩利人,老母是赫人」,chit兩種人lóng是屬tī迦南地ê原住民,chit句話原本ê意思是teh指耶路撒冷原本就m̄是屬tī以色列人民ê城市,是屬tī chiah-ê原住民khiā起ê所在,而chiah-ê原住民tī以色列人民ê眼中,lóng是屬tī無清氣ê人。先知以西結用án-ne詞句譬喻tio̍h以色列民族一定tio̍h謙卑落來,m̄-thang總是kā家己看做非常聖潔。Kā此二句並列做伙,意思是teh指以色列人民出身並無純潔,卻是混雜ê族群。Chit對驕傲ê以色列人民來講,是當頭一記打擊。

Chia mā講出一個卑微家庭不時出現ê景象,嬰á連該受ê保護都無,原因是無安定ê居所,不時tī漂流chhōe khiā起ê所在(參考申命記廿六:5),ná親像現代用語所講ê「街友」、「街童」,而chit句「無人替你剪臍帶,洗身軀,用鹽擦身,用布包起來」,意思是連產婆都無。產婦是家己用刀á是口咬斷臍帶,mā無基本ê清潔衛生,這lóng teh表示嬰á出世就暴露tī真大ê風險中,死亡率非常高。Ná親像別人m̄-thang「棄sak tī田野間」ê棄嬰一般,隨時會死去。

第6到7節,chit兩節講出了上帝對以色列民族ê疼惜。原本是可能因為「棄sak tī田野間」,隨時會死去ê棄嬰,因為上帝「看見」這卑微ê性命正tī死亡ê「血裡蠕動」而且「kui身軀是血」,上帝「不忍」hō͘伊死去,因為án-ne,kā伊收留並且「栽培」上帝ná親像作穡人tī「照顧田裡ê花草」仝款,無微不至ê照顧,hō͘伊「漸漸長大,發育成做少女」,性命開始茁壯起來,發育得非常好,而且體材美麗動人。

Chia用「頭毛秀長」一詞來表示尊嚴kah能力(參考士師記十六:17)。Á chit句「猶原赤身露體」,表示以色列民族進入迦南地了後,並m̄是真齊全,雖然成熟ê條件lóng有夠,m̄-koh iáu m̄是真穩定,不時會hō͘當地ê外族人來入侵,被剝奪了原有ê遮身ê物,這tú好講出了士師時代ê混亂背景。

第8節,chit節進一步說明chit-ê棄嬰成長kah非常美,已經長大「成熟」,mā「會談情講愛」。注意chit句「用外套遮蓋你ê裸體」,這表示求婚ê一種動作,mā是teh表示願意結婚chiah ē-tàng接受ê動作(參考路得記三:7b)。因為án-ne,tī chia上帝kah chit-ê tùi棄嬰長大起來而且已經成熟cha-bó͘-gín-á「山盟海誓」,而且立婚約,這cha-bó͘-gín-á就成做上帝ê「bó͘」,這tú好說明以色列民族kah上帝之間ê特殊關係—夫妻。

第9到14節,chit段經文說明上帝怎樣恩待chit位kah祂立婚約ê bó͘以色列民族ê關係。

「用水洗掉你身上ê血跡」,thang對照第6節ê「tī血裡蠕動」,表示除去這cha-bó͘-gín-á身上ê污穢,然後「用橄欖油擦你ê皮膚」,hō͘伊身上散發出香氣,mā是高貴ê意思。然後裝扮伊tú親像一個準備出嫁ê新娘,chia ê打扮koh khah sêng國王beh娶ê王后(參考詩篇四十五:13—14)。Chiah-ê說明lóng teh表明以色列民族之所以被o-ló,全部lóng是上帝hō͘ in,並m̄是in原本有甚麼。包括現在「美麗非凡」,而且「名氣就傳遍列國」,mā表示以色列民族kah伊族ê差別。

重新查詢 專卷研經 以西結書系列
錯誤回報,請聯繫