以西結書 1章4節 到 1章14節   背景資料  上一筆  下一筆
Chit段經文記載先知以西結看見第一個異象—「四個活物」,mā詳述有關這「四個活物」ê長相。特別tio̍h注意ê是,tī以西結書中一再出現「四」這數字,此數字tī以色列文化中,有「周全」、「東、西、南、北」四方ê意思(參考創世記十三:14)。Tī以西結書中,用來表示「四面八方」(參考十九:8、廿八:23、三十九:17),指全世界ê意思。Mā用來表示「四周」(參考六:5、13、四十:25、29、33、36、四十一:12、四十二:15、四十三:13、四十八:17、35)。 
第4節,先知以西結講伊注意「觀看」有「暴風tùi北方颳來」,是夾帶「sìh-nà tùi一堆雲層裡閃出」。這表示若是無一堆雲層遮這sìh-nà,看見ê人恐驚會有性命ê危險。因為聖經作者ài用上帝出現ê時會發生強烈ê閃光,會用厚厚ê雲層來遮祂發出ê亮光(參考出埃及記十九:16、18、四十:34),免得人因為看見上帝ê面來死去(參考出埃及記三十三:20)。

第5到12節,chit段經文描述chit四個活物ê幾種樣式:

一是「形狀像人」(第5節)。

二是四個活物lóng各有「四張面」(第6節)。這四張面ê長相lóng無仝款,tī「頭前ê像人,正pêng ê像獅,tò-pêng ê像牛,後面ê像鷹」(第10節)。Á這「四張面」ê每一張面lóng是「向(ǹg)四方」看kah非常清楚。

三是有「四隻翼股」,tī chit四隻翼股中,「有一對翼股往上展開,kah附近ê翼股連接,koh有另外一對翼股遮蓋家己ê身軀」(第11節)。

四是有「筆直ê腿」,這表示四個活物無法度像人仝款,thang kā腿彎曲,只有ē-tàng挺直地khiā-teh。

五是「腳蹄像牛蹄」,而且會發亮ná親像擦亮ê銅一般發光。

第13節,chit節真清楚講出四個活物所代表ê,並m̄是真實ê生物,卻是一種象徵性ê形體,teh表示榮耀ê光芒,ná親像「火燒ê火炭」,「像火炬」一般不斷來「冒出火燄,發出閃光」,chit種景象lóng teh說明兩種意義,一是上帝來臨(參考出埃及記廿四:15—18),所帶來ê是賜福、潔淨(參考出埃及記廿九:43)。二是上帝ài beh進行審判ê時,mā會出現chit種類似榮光ê景象(參考出埃及記十六:7、9—10、民數記二十:6),所帶來ê是嚴厲懲罰。

第14節,kā此節kah第12節連結做伙看,就會知影chiah-ê活物並m̄是tòe己意行動,卻是跟tòe上帝ê旨意、命令而動。而且其速度之快,ná親像「sìh-nà」一般,無人ē-tàng知影甚麼時chūn會達到,mā m̄知會停留jōa久時間。

重新查詢 專卷研經 以西結書系列
錯誤回報,請聯繫