出埃及記 40章22節 到 40章33節 背景資料 上一筆 下一筆 |
Chit章tùi開始到chia ê經文,lóng只有提起摩西,無提起亞倫。這可能是kah亞倫tī摩西上山去領受上帝頒布ê誡命ê時,無好好á管理、帶領以色列人民,反tńg製造金牛hō͘以色列人民因為án-ne犯罪墮落,mā tī信仰ê旅程上蒙上污點有關。Á聖幕lóng是kah敬拜上帝ê事有bē-tàng分離ê關係,全lóng由摩西主導帶領。Mā說明上帝對摩西ê完全信任。 第22到25節,chia提起khǹg供桌、供餅、燈臺,kah點燈ê工作。 第26到29節,chia是關係金壇ê pái放,燒香ê事,以及掛置門簾、燒化祭ê祭壇,kah獻上燒化祭kah素祭ê事宜。 第30到33節,chia是關係銅盆,以及祭司tio̍h潔淨腳手ê規矩。最後ê部分,就是kā圍籬架設起來,表示全部工程結束。 |