出埃及記 39章1節 到 39章7節   背景資料  上一筆  下一筆
Chit章主要teh說明製造祭司ê服裝,並且為kui個聖幕ê完成做一個總結。

Tī chit章中,一再出現ê一句話:「這是照上主吩咐摩西做ê。」(三十九:1、5、7、21、26、29、31、32、42、43)作者用chit句話表示以色列人民確實是遵照上帝ê「約」teh做tāi-chì,這mā是遵守kah上帝之間「約」ê一種表達方式。Mā thang án-ne講,kui本出埃及記就是用「一切lóng是照上主吩咐摩西做」chit句作結束。Mā是chit句話,表明人只要照上帝做,就ē-tàng hō͘ khiā起ê土地永遠無受外力入侵,國家bē敗亡,人民bē hông掠去做奴隸。

Chit段經文是講tio̍h有關祭司所穿ê服裝怎樣縫製。仝款ê資料mā記載tī第廿八章1到14節。

第1節,chit節講眾祭司穿「華貴聖服」,意思是teh指製造ê過程相當精細,而且質料貴重。

第2到5節,chia稱祭司ê衫褲為「以弗得」,手工ê精細,tùi染織ê色彩,特別是紫色染料來源,一定tio̍h tùi深海中撈貝螺吐出ê汁得tio̍h,就thang知影祭司穿tī身上ê「以弗得」,所象徵出來ê意義,已經m̄是一套尊貴ê衫褲而已,卻是teh代表kah上帝之間有特別關係,chit種關係是引領全體以色列人民面對上帝ê記號。

第6到7節,chit節講有兩塊紅瑪瑙嵌tī大祭司穿ê衫褲頂面,紅瑪瑙頂面「刻上以色列十二支族ê名」,表示chit位大祭司是帶領全部以色列人民進入聖幕敬拜上帝ê意思。因為án-ne,大祭司進入聖幕敬拜上帝,m̄是代表個人,卻是teh代表全體以色列hiah-ê人。

Chit段經文連續講了三pái「這一切是照上主吩咐摩西做ê」,表示這是一件非常神聖ê規律,一點mā馬虎bē-tàng。因為這kah敬拜上帝有密切關係。


重新查詢 專卷研經 出埃及記系列
錯誤回報,請聯繫