Chit段經文記載以色列人民對所看見ê情景一直真驚惶。因為án-ne m̄敢聽上帝ê聲音。要求摩西轉述上帝hō͘ in，in一定會聽從。

第18節，thang參考第十九章16節、19節。確實，單單雷電交加產生ê轟轟雷聲，就夠in膽戰心驚。

第19到20節，in對摩西表示驚惶，希望摩西去接受，in m̄敢上前聽上帝ê聲音。M̄-koh摩西對in講，這是一種「考驗」，為tio̍h是beh hō͘ in知影順服上帝ê重要性。

第21節，後來iáu是只有摩西上前注意聽上帝ê聲音。其實，chit節mā teh暗示，摩西就ná親像是上帝kah以色列人民之間ê「中保」仝款。