出埃及記 2章23節 到 2章25節 背景資料 上一筆 下一筆 |
Chit段經文ē-sái講是為第三到十二章拯救以色列人民脫離埃及ê序言。 第23節,死去ê國王是想beh緝捕摩西ê王,á新ê王繼任,並無減輕以色列人民奴隸工作ê負擔。以色列人民成(chiâⁿ)實痛苦到極點,只有向上帝求救。 Tī苦難中向上帝求救,這是siōng正確ê方式,mā是kui本聖經重要ê信息。性命ê苦難m̄是用人ê氣力ē-tàng解決,卻是需要上帝幫助chiah有辦法hō͘人脫離。 第24到25節,chia出現「上帝聽見」、「上帝看見」,然後講上帝「非常關心」等用詞,lóng teh表示上帝已經準備好ài beh進行祂拯救ê計畫。 Chit句上帝「記起伊bat kah in ê祖宗亞伯拉罕、以撒、雅各立約」,表示上帝永遠記tiâu祂kah祂ê子民之間所立ê約,因為聖經講上帝是信實ê,祂永遠記tiâu所立ê約,而且堅持遵守所立ê約。 |