出埃及記 13章1節 到 13章2節 背景資料 上一筆 下一筆 |
Chit章是用「耶和華文獻」ê資料siōng chē,包括有第3到16節、第21到22節等等。「祭司文獻」ê資料只有第1到2節、第20等三節。Á「以羅伊」典ê資料則只有第17到19節。 Chit章主要是teh說明除酵節ê由來,以及「大kiáⁿ」tī以色列人民中ê重要性,因為大kiáⁿ表示傳承家族ê性命記號。Koh講,chit章強調以色列人tio̍h世世代代教導kiáⁿ孫會記得出埃及ê事件。 短短兩節已經講出一個重要ê傳統,就是獻大kiáⁿ hō͘上帝,kah上帝刣死所有埃及ê大kiáⁿ相對照。大kiáⁿ,一直被東方社會看做siōng珍貴,因為án-ne,大kiáⁿ獻hō͘上帝,表明kā siōng好ê獻hō͘上帝仝款。後來,改成由利未支派ê人代替其他支派ê大kiáⁿ,但tio̍h付錢hō͘利未支派,一個人五塊銀á,表示贖回大kiáⁿ ê意思(參考民數記三:40—50)。 |