出埃及記 12章12節 到 12章14節 背景資料 上一筆 下一筆 |
Chit段經文koh一pái說明上帝beh「巡視埃及」,不管是人á是cheng-seⁿ,只要是頭胎ê lóng tio̍h刣死,同時beh「懲罰所有埃及ê神明」,因為只有án-ne,in chiah會相信in所拜ê神明是虛假ê,無用ê。 第13節是teh回應第7節所提起ê,tio̍h用宰殺羊羔ê血抹tī門框頂做辨識ê記號。這mā講出kui個出埃及siōng重要ê記號──血。是用「血」來分別以色列人kah埃及人之間ê差別。換句話講,是象徵上帝ài以色列人用性命來表明in kah埃及人之間ê無仝。這mā是後來申命記第六章5節所講ê,tio̍h以全部性命ê氣力敬拜上帝ê意思。 第14節,上帝ài以色列人民謹記chit工,並且ài後代kiáⁿ孫遵守chit-ê節期,當做「永遠ê規例」。 |