以斯帖記 1章13節 到 1章22節   背景資料  上一筆  下一筆
Chit段經文講述為tio̍h chit件事,亞哈隨魯王特別召開重要會議,詢問該怎樣處理chit件事。結果chiah-ê國王顧問是建議kā王后phah入冷宮,重新甄選新ê王后。

第13到15節,chia講「徵詢專家ê意見」,chia ê「專家」,就是teh指國王身邊ê幕僚團,á是智囊團。Á chiah-ê lóng是宮廷中ê重要大臣,共計有七個。伊問chiah-ê大臣該怎樣處置王后拒絕伊ê邀請ê事件看法。Tùi第7節出現「盛會ê第七工」、「七個太監」,到第14節ê「七個大臣」,thang看tio̍h這「七」ê數字一再出現。Chit-ê數字Tī聖經上有特殊意義,指ê是「完美」、「神聖」ê意思。換句話講,亞哈隨魯王身邊ê這七位參謀,確實lóng是真有智慧、謀略ê專家。另外mā teh說明亞哈隨魯王處理chit件事ê時,並m̄是一時衝動,卻是設想非常周到。

第16到20節,tī chiah-ê幕僚中,有一位名叫「米慕干」ê大臣,伊提出對這事件ê看法。伊認為王后華實蒂chit種行為,m̄-nā是侮辱了國王,mā是侮辱了全國人民。特別是若án-ne消息是傳出去,一定會震撼kui個波斯帝國全國ê婦女,認為國王連王后lóng管不à。伊認為華實蒂chit種行為,會為kui個波斯帝國ê社會帶來不安,會顛倒了原本以男性為主體ê社會結構,因為án-ne,伊建議國王下一道御旨,照當時律法ê規定,只要國王下御旨而且一經頒佈,就「永遠bē得更改」(參考八:8,但以理書六:8)。Á chit份御旨主要內容有三項:罷黜華實蒂ê王后頭銜。另chhōe其他cha-bó͘-gín-á來取代王后ê位置。全國婦女一定tio̍h尊敬丈夫,因為丈夫tī厝裡是主、有絕對ê權威。為tio̍h hō͘ chit份御旨hō͘所有ê人lóng知影,iáu用了真chē無仝ê語言頒佈。

第21到22節,米慕干ê chit項建議,得tio̍h亞哈隨魯王kah其他六位大臣ê同意,大家lóng認為是非常好ê意見。因為án-ne,國王ê御旨就án-ne用真chē種文字公告發出hō͘全國一百二十七個省份。

重新查詢 專卷研經 以斯帖記系列
錯誤回報,請聯繫