申命記 4章32節 到 4章40節 背景資料 上一筆 下一筆 |
摩西koh一pái呼籲以色列人民回頭想看歷史ê經歷,看上帝怎樣用祂奇妙ê手kā in tùi埃及搶救出來,mā用怎樣ê方式hō͘心硬ê埃及人驚惶。 Chiah-ê lóng是真好ê歷史教材,需要珍惜當做教育下代kiáⁿ孫siōng好ê材料。 第32到35節,是講述tī離開埃及chìn前ê經歷,chiah-ê lóng是in中間有人親身體驗,á是tùi上代父老母耳聽見ê故事。 第36到37節,chit兩節講tio̍h上帝kah以色列人民立約ê經過。 第38到39節,koh一pái強調只有chit位拯救in出埃及,koh tī曠野推進ê時chūn,保護in免受外族欺負ê上帝,chiah是天地間唯一真實ê上帝。 第40到41節,勸勉以色列人民,只有確實遵照上帝吩咐ê去做,án-ne chiah ē-tàng tī過去約旦河進入迦南地了後,事事順利,hō͘ in kah kiáⁿ孫永遠khiā起tī ná土地上。 |