申命記 34章1節 到 34章4節   背景資料  上一筆  下一筆
Chit章應該續接tī第三十二章48到52節後面chiah順。Chit章thang講是tùi出埃及記到申命記ê一個總結,是摩西故事ê完結篇。Chit章是記載摩西ê死kah安葬。Mā tùi chit章thang知影所謂「摩西五經」是出tī摩西ê手所寫ê,m̄-koh chit種講法並無完全正確。因為如果是摩西所寫ê,伊bē寫「上主kā伊埋tī伯‧比珥城對面ê摩押山谷;直到今á日,無人知影伊埋葬ê所在」chit種話句。比較khah正確ê講法是:申命記有真chē資料,是摩西時代流傳落來ê,特別是真chē律法規章,lóng kah摩西ê基本教導有密切關係。M̄-koh,經過整理,加添了真chē晚期ê資料。

Chit段經文續接第三十二章末尾提起摩西無法度進入迦南地,m̄-koh上帝hō͘伊到「尼波山」,tī耶利哥城對岸ê「比斯迦山」山頂上眺望pôaⁿ過約旦河ê迦南地美景。

Mā可能對摩西來講,無進入迦南地,只有ē-tàng隔岸觀望,是性命中一大遺憾,m̄-koh這mā說明自古以來一個現象:開拓前程者,並m̄是享受者。In ê偉大在tī開拓一個美好ê遠景hō͘後代kiáⁿ孫。

第4節,上帝強調祂履行了對以色列人民祖先亞伯拉罕、以撒、雅各等人ê應允,表示chit種應允之約,會繼續流傳到後代kiáⁿ孫。

重新查詢 專卷研經 申命記系列
錯誤回報,請聯繫