申命記 33章26節 到 33章29節 背景資料 上一筆 下一筆 |
這是一首o-ló詩歌,表明上帝ê賜福tī以色列民族中間,永遠bē衰微。 第26到27節,chit兩節koh一pái提起以色列人民知影,創造kah拯救ê上帝,無任何其他神明thang相提並論。Chit位創造kah拯救ê上帝,會永遠庇護tio̍h以色列民族,成做in ê領導者。 第28到29節,雖然tī第28節用「雅各」,然後tī第29節用「以色列」,其實beh表達ê意思lóng仝款,指以色列人民ê意思。有上帝庇護tio̍h in,就算有敵人來侵犯,mā會hō͘上帝所擊退,甚至敵人會因為án-ne向以色列人民投降,成做in ê附庸族群。因為上帝是以色列人民ê守護者。 |