申命記 33章6節 到 33章25節   背景資料  上一筆  下一筆
Chit段詩歌是對十二支派ê祝福,ná親像頭前提起過ê,tī chit-ê十二支派中,已經看bē-tio̍h對西緬支派ê祝福。

第6節,這是對呂便支族ê祝福,chit支派並無進入迦南地,伊kah迦得兩支派lóng tī約旦河東岸,後來約書亞koh分配東岸一部分hō͘瑪拿西支派ê一部分。講呂便支派ê「人數雖少」,這是後來發展ê結果。

第7節,這是猶大支族。chit支派siōng強,後來成做以色列民族ê領導者。「kah其他支派重新聯合」,chit句話已經說明第六世紀末期tùi巴比倫回鄉後ê實況,猶大支派是十二支派中siōng強,māteh帶領所有支派重建家園。

第8到11節,chit段詩歌是kah利未支族有關。In是hō͘分散tī各支族中間,只因為為in是屬tī祭司工作者,專門teh負責教育民眾tī信仰祭祀禮儀ê工作。第8節提起「瑪撒」kah「米利巴」chit兩個地名,lóng是teh指出埃及記第十七章1到7節因為缺水ê事件引起ê抱怨。當時摩西kah亞倫lóng受以色列人民責難,á in兩人lóng是屬tī利未支族ê人。因為án-ne,teh代表全體祭司á是利未人接受考驗。當利未支族ê人有堅忍ê心,ē-tàng興盛,mā teh表示以色列民族ê興旺,因為án-ne,chiah ē-tàng hō͘祭司ê工作順暢。

第13到17節,這是屬tī約瑟支族ê人。事實上,若有利未kah約瑟ê「支族」名出現,是表示雅各ê kiáⁿ。M̄-koh若是用瑪拿西kah以法蓮,就表示以色列民族ê支派;因為án-ne,第17節提起這兩人ê名。Tī第16節有講tio̍h約瑟支族「是兄弟中ê領袖」,chit句話表示兩個層面ê意義:一是teh指約瑟tī埃及ê貢獻。因為有約瑟,雅各家族ê人chiah會得thang進入埃及khiā起長到四百多年時間。二teh表示約瑟ê kiáⁿ以法蓮後來成做北國以色列ê領袖。

第18到19節chit兩節講tio̍h西布倫kah以薩迦這兩支族ê人,講chit兩支派tī海運kah通商ê事業上有成就。

第20到21節,chit兩節是祝福迦得支族,thang擴張土地。其實,後來證實伊擴張ê to̍h是家己長兄呂便ê土地,這mā是第6節提起呂便ê人數漸少ê原因。因為該支族ê kiáⁿ孫漸漸衰微。

第22節,這是祝福「但」支族,thang看出這支族ê人相當凶悍、勇猛。

第23節chit節是祝福拿弗伊利支族。這支族得tio̍h上帝ê賜福,支族ê繁榮tī十二支族中真顯明,kah這支族設tī加利利湖附近有密切關係。

第24到25節,這是為亞設支族ê祝福。這支族ê土地肥,種植ê橄欖樹tī kui個巴勒斯坦siōng-kài出名。Mā hông稱做巴勒斯坦ê糧倉。

重新查詢 專卷研經 申命記系列
錯誤回報,請聯繫