申命記 21章22節 到 21章23節   背景資料  上一筆  下一筆
Chia所講ê「柱子」,mā thang講「樹木」。Tī舊約聖經中有kúi-nā個例lóng是án-ne處理囚犯á是敵人,親像約書亞記第八章29節、第十章26到27節,撒母耳記落來第四章12節;第廿一章13節等等,chit種處罰ná親像早期歐洲社會ê「絞刑臺」仝款。kā受刑人ê屍體掛tī柱á頂「示眾」,有thâi雞儆猴之作用。Ná親像非利士人kā掃羅ê屍體「釘tī伯‧珊ê城牆上」仝款(參考撒母耳記上三十一:10)。Chia強調屍體一定tio̍h hit工埋葬,bē-tàng「留tī柱上到第二工」。請注意,chia ê「第二工」,mā表示tī hit工日落chìn前。因為以色列人民是tùi日落開始算第二工。

會有chit種規定,kah舊約聖經時代對死去ê屍體看法有關,in認為屍體會傳染疾病,因為án-ne,摩西律法一再要求摸tio̍h過屍體ê人,一定tio̍h tī潔淨了後,chiah thang koh再出現tī公眾面前(參考民數記五:2—3)。M̄-koh chit種作法並m̄是因為in尊重死者,卻是in認為土地乃是上帝所賞賜,hō͘屍體tī柱á頂加停留一工,會污染上帝賞賜ê土地。另外,留置過瞑,可能會引來豺狼、秃鷹等野獸撕裂、吞食屍體(參考創世記四十:19,撒母耳記落來廿一:10),á玷污了土地(參考民數記三十五:34)。上帝賞賜ê土地是神聖ê,因為án-ne,保持土地ê神聖非常重要,án-ne chiah ē-tàng hō͘土地有潔淨ê性命力,養育上帝ê子民(參考創世記三:17—19、四:11—12)。

重新查詢 專卷研經 申命記系列
錯誤回報,請聯繫