申命記 16章21節 到 17章7節   背景資料  上一筆  下一筆
Chit段經文真清楚講tio̍h敬拜上帝就是beh純淨、聖潔,絕對bē-tàng含混不清,因為含混ê信仰態度是上帝siōng討厭ê事。

第十六章21到22節,建造敬拜上帝ê祭壇,就是bē-tàng同時有拜迦南人偶像神明ê任何記號出現。「亞舍拉女神」,這是迦南人siōng普遍mā是siōng愛ê巴力神明之妻。迦南地ê人認為崇拜chit種神,ē-sái農作物生產豐富,mā ē-sái cha-bó͘人容易有娠生育。這女神用「木柱」做記號,á巴力則用「石柱」做記號,chit種石柱mā會雕刻男性生殖器官ê樣式。會有chit種禁令出現,表示後來進入迦南地了後,以色列人民已經深受影響,有人一面敬拜上帝,一面去拜chit種迦南人ê神明,這等於是污穢了上帝ê聖潔,mā是褻瀆上帝ê神聖、獨一bē-tàng侵犯ê誡命。

第十七章1節,若是kā「缺陷ê牛羊獻hō͘上主」,等於是藐視上帝ê賜福。Kan-taⁿ會引起上帝ê忿怒,一點好處mā無。

第2到4節,chit段經文koh一pái重述第十三章所提ê禁令,棄sak上帝去拜偶像神明者,一律處以石頭之刑罰,一點mā不寬待。

第5到7節,chit三節經文mā thang參考第十九章15到21節。任何指控有人拜偶像ê事,就一定tio̍h有兩個人以上做證人,chit種證言chiah會生效。當證人ê人,tio̍h先the̍h石頭tàn向chit-ê被指控犯罪ê人,表示伊ê見證是真實ê。

重新查詢 專卷研經 申命記系列
錯誤回報,請聯繫