但以理書 4章19節 到 4章37節   背景資料  上一筆  下一筆
Chit段經文是但以理為尼布甲尼撒王解釋伊ê夢,而這夢確實是kah尼布甲尼撒王ê未來有密切關係,上帝beh透過這夢kā伊講一定會tú-tio̍h夢境中所啟示ê現象。

    第19節,但以理一聽tio̍h尼布甲尼撒王所描述ê夢境,就「驚惶得講不出話來」,顛倒是尼布甲尼撒王鼓勵但以理勇敢講出來。

第20到23節,但以理真清楚kā尼布甲尼撒王講,夢中ê大樹就是代表伊,這說明了當時ê巴比倫帝國非常興旺、強盛。M̄-koh上帝決定beh懲罰巴比倫帝國,ná親像祂差遣天使落來phut斷這棵大樹仝款。

第24到27節,但以理繼續講尼布甲尼撒會像這被phut斷倒落來ê大樹幹仝款,然後伊mā會hō͘放ta̍k ná親像居無定所ê流浪者仝款,長到七年時間。會一直到王知影承認上帝ê主權統治世界,hit時chūn伊chiah ē-tàng重新恢復王權,而且會知影「bē-tàng koh再犯罪,tio̍h秉公行義,憐憫sàn-chhiah人」,只有án-ne chiah ē-tàng hō͘國家「繼續昌盛」。

第28節,chia講但以理所解釋出來ê夢境ê意思,結果lóng tī尼布甲尼撒王ê身上實現à。

第29到30節,chit兩節講出過了一段時間,mā就是「十二個月」了後,巴比倫王竟然bē記得但以理ài伊注意ê事,伊開始驕傲起來,看家己所建立ê巴比倫帝國,認為he是伊ê「光榮kah威嚴」。伊bē記得家己所歌頌ê上帝chiah是性命ê主宰,mā是宇宙萬物ê統治者。人就是án-ne軟弱,即使清楚聽tio̍h了來自天頂ê警告,mā無一定會醒悟而且及時改正過來。

第31到32節,就當尼布甲尼撒王teh為家己ê成就驕傲ê時,天頂有聲音傳出來,上帝決定beh kā伊ê王權the̍h掉,就ná同伊夢境中所看見ê,伊會hō͘放ta̍k在野外流蕩,kah「野獸同齊生活」,teh過「像牛仝款食草」ê生活,chit種時間長到七年。然後,上帝beh ài kā「國權賜hō͘伊所選擇ê人」。

第33節,果然,當天頂ê聲音講完了後,真緊,尼布甲尼撒王就hō͘人「趕出去,像牛仝款食草,受露水浸濕。伊ê頭毛生做像la̍h-hio̍h ê羽毛,指甲像鳥ê爪」。

	第34到35節,chit兩節經文是一首短詩。是經過七年了後,尼布甲尼撒王teh歌頌上帝ê偉大。伊醒悟過來,看tio̍h家己ê卑微,相對ê mā看tio̍h上帝ê偉大。伊mā知影tī chit世界上,無任何力量ē-tàng kah上帝相比。Chia用「舉目望天」,表示伊渴望上帝ê憐憫kah救恩。

	第36到37節,這mā是聖經作者一貫ê思路:只要知影悔改,上帝就會赦免kah祝福。顯示出上帝ê疼kah憐憫。祂懲罰人,為tio̍h是beh幫助人明白家己ê錯誤,祂祝福hiah-ê因為知影錯誤而悔改ê人。Chiah-ê祝福m̄-nā涵蓋過去所受ê苦難,並且thang得tio̍h比以前koh khah大ê福份。尼布甲尼撒王得tio̍h上帝chit種賜福。

重新查詢 專卷研經 但以理書系列
錯誤回報,請聯繫