使徒行傳 8章1節 到 8章4節   背景資料  上一筆  下一筆
Chit章是基督教會歷史上非常重要ê史料,講tio̍h早期宣教工作會án-ne向外擴展到外邦人地區去,是因為信徒tī耶路撒冷受tio̍h迫害ê緣故。Koh講,kā福音往外邦地去傳開ê,是信徒,m̄是使徒。Chit點對今á日ê宣教工作應該有真大ê啟示作用。

Chit章是用siōng早被推選出來ê七位門徒之一ê腓利tī撒馬利亞地區,以及向外邦人傳福音做主要結構,說明福音往外傳開ê情景。

Chit章開始就清楚說明司提反ê殉道,kah掃羅有密切關係。Koh再比較第3節,thang看出掃羅是當時teh逼基督徒ê主要執行者。Mā tùi chia看tio̍h早期教會開始受tio̍h迫害是來自猶太人。Koh講,mā tùi第1 節看tio̍h真正受tio̍h迫害ê是信徒,而眾使徒kah-ná比較無受tio̍h迫害。Chit點mā是不時被提出來討論ê問題之一。有一種看法是認為chiah-ê tùi僑居地tńg來耶路撒冷ê人中間,真chē人接受耶穌ê信仰,卻mā同時引起猶太人宗教領袖ê不滿,原因是可能已經會失去真chē猶太人應該維護ê傳統風俗,hō͘ in看起來真bē順眼。因為án-ne,in chhōe chiah-ê外國tńg來卻相信耶穌ê僑民出氣。Koh講,使徒之所以無離開,有可能是in因為被聖神充滿,bat被猶太人宗教領袖掠入獄,iáu是仝款m̄驚,因為án-ne,就算有迫害來臨,in mā仝款堅守岡位。另外一點,因為早期教會tú開始就有kúi-nā千人(參考四:4)信了耶穌,in有責任留落來照顧in,chiah有後來發展到「數以萬計」(參考廿一:20)ê成果出現。

「分散到猶大」ê「分散」chit-ê詞,原本意思是「播散種籽」。Mā就是講,chiah-ê因被迫害而一定tio̍h逃離ê信徒,並m̄是去躲避災難,反tńg是kā福音ê種籽散播出去à。就ná親像第4節所講ê,in是「到各地傳福音」。

第3節,chit節提起「掃羅進行摧殘教會ê工作」,而且是「挨家挨戶搜捕男女信徒」關入監牢裡。Chia雖然無講掃羅ê手段是怎樣像第1節所提起ê「極殘酷ê迫害」,m̄-koh thang想像會tio̍h可能像司提反ê遭遇仝款。

第4節,chit節講出逃避迫害ê信徒紛紛到「各地傳福音」。這tú好說明福音是tī苦難中發展起來,ná親像耶穌死tī十字架上ê苦難,hō͘福音開始發芽(參考約翰福音十二:24)。

重新查詢 專卷研經 使徒行傳系列
錯誤回報,請聯繫