使徒行傳 5章17節 到 5章42節   背景資料  上一筆  下一筆
猶太人ê宗教眾領袖「非常嫉妒」,因為án-ne,就展開對眾使徒ê迫害。這kah當時in mā是因為「嫉妒」耶穌(參考馬可福音十五:10),chiah kā伊送交hō͘彼拉多,並且煽動民眾大喊釘耶穌tī十字架仝款。chit-má in mā是án-ne ê心態beh除掉眾使徒。

In雖然掠使徒關入牢獄,m̄-koh「主ê天使」卻到監獄去「phah開監門,kā使徒領了出來」,並且差派in去聖殿見證福音ê信息。

第22到26節,當警衛去監牢beh kā使徒提出審問ê時,chiah發見原本關tī監牢ê眾使徒已經tī聖殿教導民眾了,chit-ê驚m̄是小khóa。就án-ne in趕緊koh去聖殿kā眾使徒帶去見猶太宗教領袖。

第27到28節,這是大祭司ê控訴,認為眾使徒beh kā殺害耶穌ê「血債歸tī」in身上。這mā講出in心中ê驚惶。

第29到32節,chit段經文是第五章ê中心信息。彼得kah其他門徒對大祭司ê回答,mā thang講是in共同ê信仰宣言:服從上帝比服從人koh khah重要。
第33到35節,chit段經文是猶太出名ê宗教師迦瑪列ê發言。

猶太人ê經學教師有兩個派別,其一是比較保守ê「夏麥」(Shiammai),另外一個是比較自由派ê叫「希列」(Hilliel)。迦瑪列是屬tī「希列」學派ê大師,tī主後25年到50年代,tī耶路撒冷是siōng有影響力ê思想大師。當猶太人ê議員想beh殺害眾使徒ê時chūn,伊出來替in講話,伊ài大家辦理審問使徒ê事,一定tio̍h小心謹慎。Tùi第39節看tio̍h迦瑪列真受大家尊重,因為伊是經學大師。

第36到37節,迦瑪列提起兩件歷史事件,一是發生tī主後第44到46年間,當時杜達bat帶領四百名猶太人去約旦河,對眾人講家己有能力如摩西般,thang hō͘約旦河ê水分開。羅馬總督法lóng司(Fadus)派兵打擊伊ê時,伊kā跟隨者講免驚,講伊有能力ē-tàng擊潰羅馬軍。結果家己被羅馬軍隊所俘,並且斬首送去耶路撒冷示眾。另外有真chē跟tòe伊ê猶太人mā被斬首。

另外一件事,發生tī主後第6年羅馬巡撫居里扭執行戶口普查。因為chit pái戶口普查ê目的是為tio̍h beh抽稅,引起「加利利ê猶大」煽動民眾,激進黨派ê人就利用機會跟tòe煽動人民抗稅。Án-ne thang知影猶大事件,是發生tī杜達事件chìn前,卻m̄是第37節所講ê「以後」。

第38到39節,迦瑪列建議mài處置使徒,「chhut-chāi in去!」伊認為,若是出tī人ê作為,必定會失敗,m̄-koh若是出tī上帝ê旨意,如果kā它阻止,等於是「對敵上帝」,án-ne就真危險。

第40到42節,眾使徒雖然受tio̍h鞭phah,卻iáu真歡喜,這就是傳福音ê人siōng可愛ê所在,因為是為tio̍h福音ê緣故而tú-tio̍h苦難。Á照摩西律法,鞭phah之刑無法度超過四十下(參考申命記廿五:3)。眾使徒雖然受tio̍h鞭phah,卻iáu是繼續「傳揚有關基督耶穌ê福音」。


重新查詢 專卷研經 使徒行傳系列
錯誤回報,請聯繫