使徒行傳 26章12節 到 26章18節 背景資料 上一筆 下一筆 |
Chit段經文是使徒行傳第三pái記載有關使徒保羅tī大馬士革tú-tio̍h koh活ê主耶穌之經歷,mā是三pái中siōng簡單ê一pái。第一pái tī第九章,第二pái tī第廿二章。 第13到14節,chia有兩點真值得注意,一是發生跋倒事件ê時間是tī「透中晝」,有「比日頭ê光koh khah強烈」ê光,照射到使徒保羅。二是伊聽見對伊講話ê聲音,是用「希伯來話」,並且koh附加了一句希臘俗語:「牛用腳踢主人ê刺棒,反tńg傷tio̍h家己。」chit句話ê意思是家己討皮痛。使徒保羅套用chit句話,表示家己努力用殘酷ê手段迫害基督徒,最後是家己受傷害。 第15到18節,chia提起幾件要緊ê事:一是koh活ê耶穌揀選使徒保羅做「奴僕」。二是伊受揀選是beh差派到猶太人kah外邦人中間去做見證。三是伊受差派主要就是宣揚上帝透過耶穌帶hō͘全民ê拯救恩典。 |