使徒行傳 24章24節 到 24章27節   背景資料  上一筆  下一筆
這是一段真有意思ê經文;原來腓力斯ê bó͘是猶太cha-bó͘-gín-á土西拉,伊就是第十二章提過ê迫害教會、而且刣死使徒雅各ê希律亞基帕王ê cha-bó͘-kiáⁿ。Tī十五歲ê時chūn就kah伊米撒王亞瑟索結婚,並且要求丈夫接受割禮。

M̄-koh後來koh kah腓力斯結婚,犯了猶太人認為淫亂ê罪。Tùi chia thang瞭解使徒保羅為甚麼會kah腓力斯kah伊bó͘傳講有關耶穌ê信仰之外,koh特別提起有關「良善、節制、將來審判」ê問題。Á腓力斯聽了後會感覺「驚惶」不安,lóng kah使徒保羅所傳講ê信息有關。

第26節,tùi chit節thang看tio̍h腓力斯會好款待使徒保羅,並m̄是因為伊比較理智,卻是因為伊聽tio̍h使徒保羅帶外邦教會信徒奉獻beh賑濟耶路撒冷教會sàn-chhiah信徒ê錢tńg來,認為使徒保羅是一個有錢人原來伊是一個貪財ê人,希望使徒保羅送錢hō͘伊,並m̄是真正想beh聽使徒保羅所傳福音信息。

第27節,án-ne,使徒保羅被關tī腓力斯ê監獄都無完成審案。原因是腓力斯一直希望使徒保羅用o͘-se方式,chiah tháu放伊,m̄-koh一直到伊ê總督職位被取代,koh想tńg來討好猶太人,因為án-ne,iáu就kā保羅留tī監獄裡。

重新查詢 專卷研經 使徒行傳系列
錯誤回報,請聯繫