使徒行傳 22章22節 到 22章29節   背景資料  上一筆  下一筆
因為頭前敘述ê話,激怒了當時ê民眾,因為án-nekā使徒保羅ê話hō͘ phah斷,大家大聲吶teh-hoah講beh「除掉伊!除掉伊!伊是該死ê」。甚至有人用「掖塵埃」、「拋衫褲」等方式來表示in心中極大ê痛恨、艱苦心。因為伊是用希伯來語講話,當時ê羅馬指揮官聽無清楚,只看見民眾喧嘩叫嚷,因為án-ne,命令士兵kā使徒保羅「帶入營房去,吩咐兵丁鞭phah伊,拷問伊」,beh了解發生啥事。

第25到29節,這是使徒保羅第二pái表明家己是有羅馬公民身分ê人,tī第28節koh khah清楚說明chit種特殊身分是一出世就得tio̍h à。伊第一pái表明chit種身分是記載tī第十六章37節。而且,當使徒保羅強調家己是一出世就有羅馬公民ê身分ê時,chit點mā teh表示使徒保羅ê老父背景真富有,而且有社會地位。

因為使徒保羅有羅馬公民身分,引起羅馬指揮官ê不安,因為根據羅馬律法,任何羅馬公民lóng需要受tio̍h羅馬律法ê保障,無法度tī iáu未經過法庭正式ê審判就隨便鞭phah。



重新查詢 專卷研經 使徒行傳系列
錯誤回報,請聯繫