使徒行傳 21章27節 到 21章40節   背景資料  上一筆  下一筆
猶太人有兩件事非常堅持:(1)摩西律法ê尊嚴不容破壞。(2)聖殿ê神聖bē-tàng受tio̍h污穢。Mā為tio̍h beh維護聖地ê神聖,tī正門(東門)入口所在設有一道制限,頂面用三種文字(希伯來文、希臘文、拉丁文)寫tio̍h一句話,chit句話是:「任何外邦人進入聖殿遇tio̍h傷害,咎由自取。」這mā是羅馬政府為tio̍h安撫猶太人而特別允准hō͘ in猶太人ê宗教自主權。因為án-ne,當使徒保羅tī潔淨禮teh beh結束ê時,有「tùi亞細亞省來ê猶太人看見保羅tī聖殿裡」,就掠緊chit-ê機會「煽動群眾,掠tiâu保羅」,講伊帶希臘人進入聖殿,是故意褻瀆聖殿ê神聖。並且koh講不實,講使徒保羅「反對以色列人民kah摩西ê律法」,而chiah-ê lóng是雅各hō͘伊ê警語,taⁿchiâⁿ實發生。其實,chiah-ê人就是一直teh chhōe機會beh對使徒保羅下手。

第29節是作者路加ê解釋,認為當時chiah-ê人誤會了,使徒保羅bat kah以弗所人tī城內,m̄-koh並無帶chiah-ê人進入聖殿。結果tāi-chì就án-ne鬧大了,耶路撒冷城差不多瘋狂暴動起來,特別chit時chūn又koh是五旬節ê節期,人潮真chē。真正會去了解實況ê人無chē,大部分群眾lóng是聽講ê。In m̄-nā掠tiâu使徒保羅,而且kā伊拖出聖殿外面,準備ài刣死伊。Iáu好有人向羅馬指揮官報告chit-ê tāi-chì,伊chiah派兵kā使徒保羅hō͘羈押起來,群眾iáu-koh真亂,只跟tòe大聲叫「刣死伊」,chit種情形非常像耶穌被移送到彼拉多法庭審問ê時仝款(參考路加福音廿三:18、20)。

第37到40節,使徒保羅用希臘語向羅馬指揮官講話,伊發見使徒保羅會講希臘語,就知影伊並m̄是暴徒。因為會講希臘話ê猶太人並無chē,ná是beh受過正規羅馬教育ê人chiah會ê語言,表示有某種程度ê社會地位。原來這指揮官懷疑使徒保羅就是「前些時chūn作亂、率領四千個暴徒往曠野逃去ê hit-ê埃及人」,chit件事約發生tī主後54年,有一個自稱是先知ê埃及人,帶領四千人ê群眾,身上帶tio̍h匕首,tùi橄欖山攻入耶路撒冷,伊bat揚言說:當in攻進耶路撒冷城ê時chūn,城門自然會倒塌。M̄-koh,城門m̄-nā無倒塌,反tńg是被羅馬總督腓利擊退,而且當場被刣死ê人chē達六百gōa名,被掠ê人koh khah chē,有人則逃走避難。猶太人後來知影被騙去,因為án-ne,對tī反抗ê事件採取比較保守ê態度。使徒保羅向chit位指揮官表示家己是tòa tī「大數」ê公民,伊請求指揮官hō͘伊有向群眾講話ê機會,並得tio̍h允准。

重新查詢 專卷研經 使徒行傳系列
錯誤回報,請聯繫