使徒行傳 16章16節 到 16章40節   背景資料  上一筆  下一筆
Chit段經文hō͘咱看tio̍h每一個時代lóng會有人利用宗教信仰斂財ê事件發生。Tī腓立比chit-ê地方,就發生有人利用女婢被邪靈附身騙取錢財。作者路加描述使徒保羅tī醫病、趕鬼ê能力上,kah彼得明明就是一模一樣。腓利tī撒馬利亞bat hō͘一個會行邪術ê「西門」歸正受洗,後來chit位已經受洗ê「西門」,iáu ǹg望ē-tàng用錢買tio̍h彼得身上聖神ê能力,而被彼得詛咒(參考八:9—23)。chit-má使徒保羅hō͘一個女婢ê主人tùi án-ne無法度利用伊hō͘ 鬼附身行邪術騙取錢財。

第19到21節,這女婢ê主人因為看見失去錢財,就掠tiâu使徒保羅kah西拉去見官,控告in teh傳另外一種新ê宗教,而這是羅馬政府禁止ê行為。

第22到24節,結果群眾無知,並無明察in被利用,連官府mā仝款,致使使徒保羅kah西拉被鞭phah,iáu被關入牢裡。

第25到30節,使徒保羅kah西拉雖然是關tī監獄中,卻iáu是充滿tio̍h喜樂ê心,吟詩歌頌上帝。上帝用強烈ê地動,phah開監牢ê門房,看守ê警衛認為所有ê囚犯lóng逃離,án-ne伊mā必死無疑。因為án-ne,想beh自殺ê時,使徒保羅叫伊,hō͘伊知影in並無逃離。這hō͘警衛大大tio̍h驚,mā因為án-ne,問使徒保羅kah西拉,伊「該做甚麼chiah ē-tàng得救」。

第31到34節,使徒保羅kah西拉對伊講:「信主耶穌,你kah你一家人就會得救。」然後,使徒保羅kah西拉mā傳福音hō͘這獄卒ê厝內人聽,結果in全家lóng受了洗禮。並邀請in兩位到in-tau去,同齊歡喜,因為in全家lóng受洗歸屬耶穌。

第35到40節,必定是因為聖神奇妙ê作為,hō͘羅馬軍官主動講beh tháu放使徒保羅kah西拉。

第37節,使徒保羅第一pái公開家己是「羅馬公民」。這tī當時是真有社會地位ê,mā受羅馬律法特別ê保障。因為án-ne,hō͘鞭phah伊ê警官大大tio̍h驚,羅馬官長只好親自來賠罪「道歉」,然後請in離開hit-ê城。In就往呂底亞ê厝去。

因為án-ne,ē-tàng看出tī腓立比有成功ê福音事工成果,m̄-koh mā有受tio̍h迫害ê痛苦經歷。

重新查詢 專卷研經 使徒行傳系列
錯誤回報,請聯繫