使徒行傳 15章22節 到 15章35節   背景資料  上一筆  下一筆
Chit段經文主要teh說明耶路撒冷使徒會議,決定推派巴撒巴ê猶大kah西拉跟tòe使徒保羅kah巴拿巴同齊去安提阿。同時帶耶路撒冷會議ê決議文去。Chit pái關心ê地區,m̄-nā是安提阿,iáu包括了敘利亞,kah基利家等地ê教會kah信徒。因為án-ne,chit封teh代表耶路撒冷教會權威ê信函,beh hō͘ chit三地區ê所有教會。注意第24節,chit封信特別澄清以前有人對in講外邦人be̍h加入教會,一定tio̍h先受割禮ê chit件事,並無代表耶路撒冷教會ê立場。Chit對過去hiah-ê法利賽人ê基督徒來講,是一件真大ê衝擊。

第25到29節,kā使徒會議ê決議說明一pái,mā同時肯定了使徒保羅kah巴拿巴tī福音事工上ê貢獻(參考第26節)。

第30到35節,因為耶路撒冷教會被看做是權威ê中心教會,因為án-ne,代表猶大kah西拉mā是「代上帝發言ê先知」,in兩人宣讀信件外,mā鼓勵信徒,堅固in ê信心。完成工作責任後,就tńg來耶路撒冷去,m̄-koh使徒保羅kah巴拿巴則繼續留tī安提阿教會。

重新查詢 專卷研經 使徒行傳系列
錯誤回報,請聯繫