使徒行傳 12章12節 到 12章19節   背景資料  上一筆  下一筆
彼得被天使救出來了後,馬上到約翰‧馬可ê老母馬利亞家去,chia已經是眾信徒聚集ê場所。比較第5節講in為彼得祈禱,就thang看出當時已經有固定ê祈禱會。Chit位約翰‧馬可mā是後來kah使徒保羅、巴拿巴去傳道ê同工(參考十三:4—5),不過因為伊半途退出,當第二pái使徒保羅beh koh再出去ê時,就拒絕伊加入(參考十五:37—39)。當彼得敲門而來應門ê女婢,一聽見彼得ê聲音,歡喜到m̄敢相信,mā bē記得為伊開門,就走去kā其他聚會ê信徒講,大家lóng m̄敢相信he是事實。當大家看見彼得了後,「lóng真驚奇」,然後彼得就tī大家面前做見證,說明「主怎樣帶伊出了監獄」,mā吩咐in tio̍h「Kā消息kā雅各kah眾信徒講」。Chia ê「雅各」,是teh指耶穌ê兄弟,m̄是門徒。然後伊獨自離開眾人往其他地區去。

第18節講警衛一直到天光,beh提訊彼得ê時,chiah發見伊已經無tī監牢裡,這下chiah大大驚惶。為tio̍h án-ne希律王koh下令搜查。結果因為查bē-tio̍h彼得ê影跡,憤而處死守衛ê人。Chiah-ê被殺害ê警衛真可能是其它殖民區ê人,因為希律無權殺害羅馬兵,第19節講伊tī chit件事後,就離開猶太去該撒利亞。

重新查詢 專卷研經 使徒行傳系列
錯誤回報,請聯繫