撒母耳記下 13章1節 到 13章22節   背景資料  上一筆  下一筆
Chit章就記載大衛ê kiáⁿ暗嫩犯強暴家己小妹她瑪ê姦淫罪,然後押沙龍為tio̍h小妹她瑪被強暴ê事,設計「鴻門宴」殺害暗嫩,替小妹她瑪報仇。M̄-koh卻tùi án-ne hō͘伊一定tio̍h逃走到老母ê故鄉基述去外公家避難。因為án-ne,第十三章thang講記載大衛犯罪了後,家庭成員回應出伊犯罪ê第一件事。另外一方面,主要是為tio̍h beh說明為甚麼後來押沙龍無法度繼承大衛ê王位ê原因,就是伊懷恨真深,設計暗刣死家己ê兄弟。Koh講第十二章10節,先知拿單已經對大衛犯姦淫罪ê事,傳出上帝ê懲罰是:「你án-ne違背我,搶去烏利亞ê bó͘,你ê家將永遠逃bē過刀劍。」因為án-ne,大衛ê gín-á彼此殘殺,包括了暗嫩ê事件(參考十三:28—29),押沙龍ê事件(參考十八:14),以及亞多尼雅ê事件(參考列王記上二:25),chiah-ê lóng說明是大衛犯罪了後所帶來一個嚴重ê懲罰。上帝揀選ê奴僕,上帝賜福多。M̄-koh若是背叛上帝去犯罪,所帶來ê懲罰mā是嚴厲。

Chit段經文記載大衛ê大kiáⁿ暗嫩為tio̍h beh親近家己ê同父異母ê小妹她瑪,想出所有ê辦法接近伊,後來tī表兄弟約拿達ê獻策下,性侵了伊,了後koh kā伊遺棄ê kui個過程。

第1到4節,chia講押沙龍有一個小妹名叫「她瑪」,這表示伊mā是大衛kah基述王達買ê cha-bó͘-kiáⁿ瑪迦所生。Án-ne,伊kah押沙龍便是同父母ê親兄妹。作者講「她瑪」是生做「真súi」。可惜,伊ê súi並無為伊帶來幸福,反tńg是為伊帶來災禍。Á暗嫩是大衛ê大kiáⁿ,ē-sái講是繼承王位ê第一順位者。因為án-ne,若伊真正是疼上她瑪,其實,只要向老父大衛提出要求,á是thèng候大衛往生後,就ē-tàng真順利ê娶她瑪過門做bó͘(參考第13節b句)。因為án-ne,chia講暗嫩想「親近」她瑪,只不過是一種生理上慾望ê需求而已。「相思成疾」,表示暗嫩已經因為án-ne出現「變態」ê狀態。這mā是為甚麼後來伊tī性侵成功了後,看tio̍h她瑪反tńg「非常討厭」伊,而且贏過愛伊ê程度(參考第15節)。Chia講「約拿達」是「示米亞」ê kiáⁿ,而「示米亞是大衛ê兄哥」,án-ne,「約拿達」就是暗嫩ê堂兄弟。作者形容伊是一個「奸巧」ê人。Chia ê「奸巧」是teh指聰明、伶俐,m̄-koh卻無倫理、道德規矩ê觀念。Ná親像伊甸園裡ê蛇仝款(參考創世記三:1)。伊來關心暗嫩消瘦ê原因,暗嫩坦白相告,講伊愛上了「同父異母」ê小妹她瑪。Chit種Tī聖經早期時代是普遍ê事(參考創世記二十:12),尤其是tī東方社會mā真普遍。後來,比較晚期了後,律法上就有明文規定禁止chit款tāi-chì(參考利未記十八:9)。

第5到6節,就án-ne約拿達想一個計謀,伊ài暗嫩先假做破病,好引誘小妹她瑪接近身邊而kā它性侵。Koh khah慘ê,就是chit-ê詭計iáu giú大衛tī不知情之下mā有參與。

第7到11節,就án-ne,大衛打發人去kā cha-bó͘-kiáⁿ她瑪講,ài伊去暗嫩hia做kóa食物hō͘伊食。暗嫩利用chit-ê機會叫宮中服侍者閃開,然後ài她瑪親自餵伊,就tī hit時,伊要求她瑪kah伊睏。

第12到14節,她瑪對暗嫩chit種突如其來ê粗暴舉動,感覺非常驚kah gāng去,伊一再要求暗嫩bē-tàng做chit款tāi-chì,伊mā提醒暗嫩,若是chit款tāi-chì被傳揚出去,會hō͘伊「tī以色列人面前丟盡面子」,而伊mā會tī人面前「扛不起頭來」。伊勸暗嫩去向老父大衛王祈求,伊相信老父一定會應允in結婚。M̄-koh已經是病態ê暗嫩聽bē落去小妹chit種勸言,就án-ne性侵了家己同父異母ê小妹她瑪。Án-ne,暗嫩若是真正beh圓滿處理chit件事,只有一條路thang行,就是去kā老父大衛講,請求允准kah她瑪結婚,若無,她瑪就無法度koh再嫁hō͘別人。因為若是她瑪嫁hō͘別人ê時,無告知對方家己已經無koh是處女,hit-ê娶她ê人就ē-tàng控告女方欺騙,並且thang kā她離掉。若án-ne,她瑪可能tio̍h面臨被判死刑ê惡果(參考申命記廿二:20—21)。

第15到19節,tùi暗嫩ê反應就ē-tàng看出伊並m̄是真正愛她瑪,只不過是想beh滿足家己ê慾望而已,á是beh顯示伊ê權位。當伊滿足了慾望了後,隨時beh kā她瑪趕出伊ê宮殿,而她瑪清楚提醒暗嫩伊án-ne趕伊行所犯ê 錯誤,kā比強暴伊koh khah嚴重。因為這等於是beh hō͘她瑪終身無法度koh再嫁別人,除非有大衛王kā伊配婚hō͘平民。因為伊已經m̄是處女。可惜ê是「暗嫩m̄聽」,chit句話表示暗嫩並無清楚結果ê嚴重性,伊叫奴僕kā她瑪趕出去,她瑪因為án-ne悲傷到極點,因為她瑪mā是大衛ê cha-bó͘-kiáⁿ,而且老母mā是基述王ê cha-bó͘-kiáⁿ瑪迦。換句話講,她瑪tī所有大衛ê kiáⁿ中,算是貴族背景出身。卻被暗嫩厝裡ê奴僕「趕出去」,這又koh是另外一種重大侮辱,而且造成極大ê傷害。其實,chiah-ê奴僕是連摸到伊ê衫褲lóng m̄配ê人。因為伊原本是去聽老父大衛ê指示,去服事可能kā繼承王位ê大兄暗嫩ê,所以,伊穿插真正式ê衫褲—未婚公主常穿ê「長袖棉袍」,這是一種貴族chiah穿ê衫褲,是彩色ê,ná親像雅各送hō͘約瑟ê彩衣(參考創世記三十七:3)。Thang瞭解她瑪傷心到極點,伊用幾個方式來表達:一是「掖灰tī頭殼頂」,chit種方式表示家己真「賤」,無價值。二是「雙手蒙tio̍h面」,chit種方式是teh表明見笑,無面見人ê意思(參考耶利米書二:37)。三是「拆裂衣袍」,tī chia mā用來表示伊ê憤怒,因為伊ê「處女身」已經被侵犯、破壞。四是「一面行一面哭」,這是非常哀傷,mā說明性命中siōng大ê無奈,m̄-koh mā teh表示求助。

第20到22節,她瑪ê兄哥押沙龍知影chit件事了後,安慰她瑪,並且收留伊。有人去kā大衛講,伊mā「非常受氣」,而押沙龍則對暗嫩「懷恨極深,無koh kah伊講話」。

重新查詢 專卷研經 撒母耳記下系列
錯誤回報,請聯繫