撒母耳記下 12章26節 到 12章31節   背景資料  上一筆  下一筆
Chit段經文記載約押繼續攻打亞捫人ê首都拉巴城,並且說明約押是一個非常聰明ê將軍,伊hō͘大衛獨享榮耀,mā因為án-ne,大衛對約押ê倚賴koh khah迫切。這mā是為甚麼伊會講出對約押有「無法度應付」之言(參考三:39),其實mā說明伊會驚惶約押ê威脅。一則約押真清楚大衛殺害烏利亞ê秘密,koh講,約押確實是一個敏捷、勇敢善戰ê將軍。Chit段經文mā出現tī歷代志上第二十章1到3節。

Chit段是繼續第十一章1節。Chit段經文主要說明頂pái大衛真有誠意beh表明kah亞捫人之間維護和諧關係,m̄-koh卻遇tio̍h亞捫人大大ê侮辱。因為án-ne,約押真清楚大衛ê心境,伊ài大衛tī最後關頭親自帶兵來攻打亞捫首府拉巴城。並tī攻落了後,大大懲罰亞捫人,hō͘ in成做奴隸苦工,ná親像當年以色列人民tī埃及一般ê痛苦。

第26到28節,chit三節說明約押是一個真聰明ê領導者,伊知影kā siōng重要ê榮耀歸hō͘大衛。約押kā大衛講「已經奪了水源」,這ē-sái講是戰略相當做功chiah有ê成果,就是佔領敵方ê水源區。這mā teh表示真緊to̍h會攻落亞捫人ê京城拉巴,伊希望大衛趕緊帶兵過來,án-ne,軍隊就會認為lóng是大衛ê功勞。Mā tùi chia thang看出約押tī以色列軍隊心目中ê地位確實真koân。因為伊ê部下lóng清楚知影,真正ē-tàng tī戰場上調兵遣kā ê是約押。

第29到31,大衛果然接受約押ê建議,親自前往戰場指揮。拉巴城就án-ne ê被以色列軍隊hō͘攻陷落來。Á以色列軍隊搜刮了拉巴城內所有貴重財物,當做戰利品。另外mā俘虜亞捫人當做奴隸,hō͘ in去做苦工。

重新查詢 專卷研經 撒母耳記下系列
錯誤回報,請聯繫