Chit段經文簡單ê紹介約西亞晚年ê情況，含意真深。Mā說明約西亞對國際情勢判斷有錯誤，致使出兵去攻打正準備去phah亞述ê埃及軍隊，結果家己卻無幸戰死戰場。

第20到22節，tùi chit段經文thang看出埃及王尼哥其實對約西亞iáu真細jī ê。伊無希望約西亞出來阻擾伊討伐亞述。這mā反應出當時ê亞述當teh衰弱中，chiah hō͘約西亞有機會順利而且大刀闊斧地進行宗教改革，而且ē-tàng hō͘北部ê以色列國某一kóa地區ê以色列人民mā tòe伊。埃及想beh出兵，真可能kah當時巴比倫當teh興起，埃及王尼哥想beh藉tio̍h打壓亞述，嚇阻巴比倫日益壯大ê勢力。M̄-koh顯然對國際情勢m̄是真清楚ê約西亞，卻m̄聽尼哥ê建議，iáu是堅持出兵去阻止埃及。

第23到24節，就tī米吉多ê戰場所在，約西亞被埃及軍ê箭射中而重傷。伊就án-ne往生。真可惜，chiah只有三十九歲而已。

第25到26節，伊ê往生連先知耶利米lóng感覺非常哀傷，特別為約西亞作哀歌。真可惜chit本所講ê「哀歌集」已經失傳。M̄-koh伊ê往生，mā是猶大kah耶路撒冷居民siōng-kài艱苦心ê事。