歷代志下 12章1節 到 12章16節   背景資料  上一筆  下一筆
Chit章描述羅波安統治之下ê猶大。Kui個經文看起來,羅波安對上帝並無夠忠實,ê時而遵行上帝ê旨意,ê時而棄sak上帝ê誡命。

第1節,chit節講出人siōng大ê軟弱,就是tī鞏固地位,á是事業有成後,bē記得伊ê能力、財富lóng是tùi上帝來ê賞賜,成功後就藐視á是棄sak了上帝,直到tú-tio̍h困境ê時,chiah會koh一pái想起上帝chiah是性命ê主。羅波安就是一個真典型ê例。因為國王棄sak上帝,人民mā就跟tòe棄sak了上帝。

    第2到4節,chit三節講羅波安治理猶大chiah第五年,就因為棄sak上帝而遇tio̍h上帝ê懲罰。上帝懲罰ê方式ná親像士師記作者所用ê句話,歷代志作者mā是ài用chit種句話──棄sak上帝,形容以色列民族去敬拜偶像神明。上帝對棄sak祂ê子民採取ê方式,mā是仝款,以「棄sak」祂ê子民作回應。所謂上帝「棄sak」,指ê就是無koh kā它保護、帶領,則上帝ê子民就真緊會tú-tio̍h困境。chit-má上帝ê作法是hō͘埃及國王示撒領兵kah附近族群聯合來攻打猶大,而且佔領了真chē邊防城鎮,進逼耶路撒冷。

    第5到6節,先知示瑪雅,伊mā是當年獲上帝ê啟示,去阻止羅波安去攻打分裂伊去ê北國以色列ê先知。Chit pái,伊tī得tio̍h上帝啟示去對羅波安kah伊ê大臣講話,清楚kā in講會tú-tio̍h災難,就是因為棄sak上帝ê結果。結果羅波安kah伊ê大臣lóng承認家己犯罪,得罪上帝。

	第7到8節,上帝koh一pái透過示瑪雅傳出信息,講已經看見羅波安kah伊ê大臣認罪,因為án-ne,上帝只hō͘埃及ê聯軍搜刮財物,m̄-koh bē傷害in ê性命。上帝iáu koh khah繼續觀察猶大人民是m̄是願意順服上帝。

    第9到12節,果然,埃及聯軍雖然攻入了耶路撒冷,而且搜刮了聖殿kah王宮內ê財寶,m̄-koh猶大人民並無受tio̍h甚麼重大傷害。因為án-ne,羅波安tī埃及聯軍退出ê時chūn,伊明白只有順服上帝,謙卑ê認罪,chiah ē-tàng hō͘上帝ê忿怒消失,無koh降災難,mā hō͘猶大有重新整頓ê機會。

    第13到16節,對照第九章29節ê記載,chia koh加出了「示瑪雅史」chit本冊。Á「羅波安kah耶羅波安之間不時有戰事」,chit句話講出分裂後ê兩國統治者,lóng bē記得示瑪雅先知所教導in ê話,m̄-thang phah家己ê同胞。

    羅波安死ê時chūn chiah只有五十八歲而已,伊ê晚年kah in老父所羅門仝款,並無確實地遵行上帝ê旨意,卻是去拜偶像神明。伊kā王位交hō͘ kiáⁿ亞比雅。

重新查詢 專卷研經 歷代志下系列
錯誤回報,請聯繫