撒母耳記上 8章10節 到 8章22節   背景資料  上一筆  下一筆
Chit段經文主要teh說明設立君王一定tio̍h負擔ê稅賦要件,比chit-má in無君王ê時,tio̍h加出一倍ê負擔,就是十分之一。Á chiah-ê十分之一包括了人口、土地、農產、cheng-seⁿ等,甚至全體以色列人民lóng tio̍h承擔chiah-ê稅賦,無人ē-tàng避免。M̄-koh以色列人民卻表示in是寧可付出chit種代價,mā無願意繼續由先知撒母耳ê kiáⁿ當士師來帶領in。

第10到17節,chit段經文回應第9節所記載,上帝ài先知撒母耳hō͘以色列人民知影,設立君王可能會帶hō͘ in ê結果,尤其是chia所講ê君王,已經teh暗示in可能面對ê是「暴君」,是殘酷koh貪婪ê統治者,並m̄是善良ê君王。

先知撒母耳提醒以色列人民,若chiâⁿ實tio̍h設立君王來帶領in,in一定tio̍h為tio̍h án-ne事付出非常大ê代價。Chit種代價就是國防稅賦ê加重,相對ê會hō͘ in生活ê收入減少;人民一定tio̍h因為án-ne而被徵兵服役;官員會利用各種名目徵收siōng好ê良田、土地、有生產力ê cheng-seⁿ等,koh khah嚴重到人民成做君王ê「奴僕」(tú好kah民主制度顛倒)。甚至講出女性被徵召入宮ê情形,如所羅門王ê宮殿中有上千ê妃嬪,而伊ê kiáⁿ羅波安mā有「十八個bó͘,六十個妃嬪」(參考歷代志下十一:21),chiah-ê lóng會成做另外一種形式ê「奴隸」仝款。

其實chit段經文mā teh說明以後以色列君王會享受特殊ê權利,第17節非常清楚提起,有君王制度,人民會變成君王ê奴隸。因為君王kah宮殿ê開銷,會hō͘人民無法度擁有家己ê財富。以色列人民原本想beh擁有koh khah chē ê財富,結果是付出koh khah chē。

第18節,chit節指出koh khah嚴重ê結果,就是以色列人民設立君王制度了後,一定會後悔,m̄-koh hit時上帝bē koh再垂聽in呼求改變ê聲音。

第19到22節,「人民m̄聽撒母耳ê話」,chit句話已經清楚講出以色列人民ê心已經棄sak了上帝。In堅持beh先知撒母耳為in設立一個王來統治in。這mā講出先知撒母耳過去所努力ê,帶領以色列人民「lóng向上主求助」、只有「事奉上主」ê信仰告白(參考撒母耳記上七:4),漸漸因為以色列人民ê生活穩定而消失(參考撒母耳記上七:13—14)。In想beh學習迦南地ê人有君王統治,in感覺án-ne比先知上帝ê奴僕帶領koh khah好。其實,這mā teh表示:tī平順安定ê生活中,會帶來另外一個現象:經濟發展。Chit時,而chit時chūn mā是人siōng容易bē記得上帝tī人苦難中所hō͘ in ê恩典。

第21到22節,既然以色列人堅持beh án-ne,上帝就「chhut-chāi」in所beh ê。祂ài先知撒母耳照in所求ê答應in。M̄-koh聖經告作者bat講,祈求上帝賞賜chìn前,需要深切三思,免得將來懊悔(參考箴言二十:25)。

摩西bat kā家己出tī埃及王宮ê親身經歷,用誠懇ê態度提醒以色列人,ài in teh進入迦南地了後,若是選擇君王ê時,就一定tio̍h非常小心,而且需要嚴格規範君王ê生活規矩。可惜,後來以色列人並無想起摩西hō͘ in ê警語(參考申命記十七:14—20),in iáu是堅持beh設立君王,boài上帝ê先知來帶領in。

重新查詢 專卷研經 撒母耳記上系列
錯誤回報,請聯繫