撒母耳記上 3章1節 到 3章14節   背景資料  上一筆  下一筆
Chit章是記載撒母耳成長ê過程。伊第一pái聽tio̍h上帝呼召伊ê聲音,並且獲知上帝會對以利全家採取嚴厲懲罰ê信息。Chit項揀選說明上帝tī撒母耳ê成長過程中,有過真詳細觀察過,看伊tī以利厝內是m̄是有受tio̍h兩個行為囂張、目中無上帝ê祭司以利kiáⁿ何弗尼、非尼哈ê影響?撒母耳m̄-nā是無受tio̍h in兩人影響,而且是保持純潔ê心,án-ne chiah是伊被揀選ê主要原因。

Chit段經文主要是teh說明上帝揀選撒母耳,並宣告beh廢掉以利ê家族。撒母耳chit種經驗,非常明確是上帝揀選祂ê奴僕──「先知」ê經歷。

Chit段經文描述撒母耳連續三pái聽tio̍h上帝呼叫伊ê聲音,m̄-koh伊並m̄知he就是tùi上帝來ê聲音。經過先知以利ê解釋了後,撒母耳chiah知影原來上帝teh對伊講話。Á上帝第一pái傳hō͘伊ê信息,竟然是帶hō͘以利家族siōng悲慘ê信息,對撒母耳來講,這mā是一種擔任先知角色ê考驗。

第1節,chit節講撒母耳tī祭司以利ê教導下,確實真認真地學習怎樣事奉上帝。M̄-koh仝款是tī撒母耳學習事奉上帝ê chit段時間,上帝ê信息真少出現。這可能kah以利兩個kiáⁿ ê惡質ê行為有密切關係。

第2到5節,這是撒母耳第一pái聽tio̍h上帝呼喚伊ê聲音,m̄-koh伊並m̄知,認為hit年老ê祭司以利teh叫伊。

第6到7節,這是上帝第二pái呼喚撒母耳,伊猶原認為是以利叫伊。

Chit時chūn ê撒母耳是睏tī安放約櫃ê聖所,表示撒母耳是真忠心地在學習怎樣服事頂面帝ê事工。

第8到9節,這是上帝第三pái呼喚撒母耳,因為有連續三pái ê經驗,年老ê祭司以利隨時知影,he一定是tùi上帝來ê呼喚。因為án-ne,伊教導撒母耳怎樣回應上帝ê呼喚聲音。

第10節,這是上帝第四pái呼喚撒母耳,而伊已經知影怎樣回應,就án-ne對上帝講:「請講,奴僕teh聽!」tùi chia開始,撒母耳有先知ê角色kah使命。

第11到14節,這是上帝第一pái對先知撒母耳傳信息,chit-ê信息內容就是tī第二章30到36節記載上帝差派一位奴僕去見以利所講ê預言。chit-má上帝kā先知撒母耳講chiah-ê預言teh beh實現,而且是任何方式lóng無法「挽回這重罪ê後果」,chit句mā teh表示上帝頂pái派去ê奴僕預言了後,以利ê兩個kiáⁿ並無因為án-ne而徹底悔改,á是祭司以利並無嚴厲而且有效地阻止伊ê kiáⁿ繼續hit種惡質行踏。Chia真清楚指出,以利雖然知影家己ê kiáⁿ胡作非為,卻無阻止in,因為án-ne,上帝beh懲罰ê m̄-nā是伊ê兩個kiáⁿ,而且是連帶伊ê家族lóng tio̍h受tio̍h嚴厲懲罰。這是上帝透過先知撒母耳beh傳達hō͘祭司以利ê信息,mā teh表示頂pái ê預言teh beh實現。

重新查詢 專卷研經 撒母耳記上系列
錯誤回報,請聯繫