撒母耳記上 3章15節 到 4章1節   背景資料  上一筆  下一筆
Chit段講祭司以利知影上帝呼召撒母耳,就是beh傳達信息hō͘伊。因為án-ne,等到天光後,伊就直接問撒母耳,並且ài撒母耳照實kā伊講。

第15到18節,chit段經文講祭司以利知影上帝一定有信息傳hō͘先知撒母耳,因為án-ne,伊ài先知撒母耳「mài瞞騙」伊,一定會照實講出來。其實,先知原本就是beh kā上帝ê話照實講出來(參考列王記上廿二:14)。原本先知撒母耳iáu m̄敢講,經過以利ê催促,伊chiah kā上帝hō͘伊ê信息「無一點隱瞞」照實講出來。以利因為早就知影上帝有chit種決定,因為án-ne伊講願意順服。

第19節到第四章1節a句,chit段經文說明撒母耳成做以色列人民ê先知,上帝kah伊同在,hō͘伊所傳達ê信息lóng確實呈現出來。Chit段經文mā是為第七章2節後面,先知撒母耳ê事工先作序言。

重新查詢 專卷研經 撒母耳記上系列
錯誤回報,請聯繫